دۇنيا سەھىيە تەشكىلاتىنىڭ ئېلان قىلىشىچە، ئېبولا يۇقۇمىدا ھازىرغىچە 1000دىن ئارتۇق ئادەم قازا قىلغان. جۇڭگو كېسەللىكنى كونترول قىلىش مەركىزىنىڭ مۇتەخەسىسلىرى 13-ئاۋغۇست دۆلەتلىك سەھىيە پىلانلىق تۇغۇت كومىتېتىنىڭ تاراتقۇ يىغىنىدا مۇنۇلارنى بىلدۈردى: ئېبولا گېمورراگىك قىزىتما ۋىرۇسىنىڭ جۇڭگوغا كىرىش خەتىرى بار، ئەمما ئېلىمىزدە يۇقۇم پارتلاش خەتىرى ناھايىتى تۆۋەن.

دۆلەتلىك كېسەللىكتىن مۇداپىئە كۆرۈش، كونترول قىلىش مەركىزى ۋىروس بۆلۈمىنىڭ مۇئاۋىن باشلىقى، تەتقىقاتچى دۇڭ شياۋپىڭ تونۇشتۇرۇپ مۇنداق دېدى: ئېبولا ۋىروسىنى ئاسان ئۆلتۈرگىلى بولىدۇ. ئەگەر فىزىكىلىك تېمپىراتۇرا ئۆرلىسە 60 سېلسىيەگىرادۇس بىر سائەت داۋاملاشسا، ۋىرۇسن ئۆلىدۇ. 100 گىرادۇسلۇق سۇدا 5 مىنوت قاينىتىلسىمۇ ۋىروس ئۆلىدۇ. ئېبولا ۋىروسى دائىم ئىشلىتىلىدىغان خىمىيىلىك دېزىنفىكسىيە قىلىش دورىسى، ئولتۇرا بىنەپشە نۇرغا ناھايىتى سەزگۈر بولۇپ، بۇلار ئارقىلىق ئۇنى ئوڭايلا يوقاتقىلى بولىدۇ.