ئەنگىلىيە «مۇھاپىزەتچىلەر گېزىتى» نىڭ 13-يانۋاردىكى خەۋىرىگە ئاساسلانغاندا، شۋېتسىيەنىڭ دىپلوماتىيە مىنىستىرى مارگوت ۋاستىروم (Margot Wastrom) ئالدىنقى ئايدا ئىسرائىلىيەنى قانۇنىي ھوقۇق دائىرىسىنىڭ سىرتىدا پەلەستىنلىكلەرنى ئۆلتۈرگەن دەپ ئەيىبلىگەن، ھەمدە 12-چېسلا بۇنىڭغا قارىتا تەكشۈرۈشنى قانات يايدۇرۇشنى مۇراجىئەت قىلغان. ئىسرائىلىيە دىپلوماتىيە مىنىستىرلىقىنىڭ باياناتچىسى 13-چېسلا بايانات ئېلان قىلىپ مۇنداق دېگەن، شۋېتسىيەنىڭ دىپلوماتىيە مىنىستىرى «قۇتراتقۇلىق قىلىش» خاراكتېردىكى گەپ-سۆزلەردە بولغانلىقى ئۈچۈن، ئىسرائىلىيە ئۇنى چېگرىمىزدىن كىرىشكە مەنئىي قىلىشنى قارار قىلغان.

     ئىسرائىلىيە دىپلوماتىيە مىنىستىرلىقىنىڭ باياناتچىسى ئېممانۇل ناشون (Emmanuel Nahshon) 13-چېسلا ئىپادە بىلدۈرۈپ مۇنداق دېگەن، شۋېتسىيە دىپلوماتىيە مىنىستىرى ۋاستىرومنىڭ سۆزىدىكى «قۇتراتقۇلىق ۋە ھۇجۇم قىلىش خاراكتېرى» نى كۆزدە تۇتۇپ، بىز شۇنى ئېنىق بىلدۈرۈپ قويىشىمىز كېرەككى، ئىسرائىلىيە ئەمدى ئۇنى قارشى ئالمايدۇ. ئىسرائىلىيە دىپلوماتىيە مۇئاۋىن مىنىستىرى تىزىپى ھوتوۋېلى (Tzipi Hotovely) مۇ ۋاستىرومنىڭ سۆزىنى « قارىغۇلۇق ۋە سىياسىي ئەخمىقانىلىق» ئارىلاشقان دەپ ئەيىبلىگەن.

     ۋاستىروم زىيارەتنى قۇبۇل قىلغاندا، ئۆزىنىڭ ئالدىنقى ئايدا ئىسرائىلىيەنىڭ قانۇنىي ھوقۇق دائىرىسىنىڭ سىرتىدا پەلەستىنلىكلەرنى ئۆلتۈردى دەپ ئەيىبلىگەنلىكىنى ئىقرار قىلغان. بىراق ئۇ ئىسرائىلىيەنىڭ قايتۇرغان ئىنكاسىغا نارازىلىقىنى بىلدۈرگەن.

      ئىگىلىنىشىچە، بۇ شىۋىتسىيەنىڭ بۇ تاشقى ئىشلار مىنىستىرىنىڭ سۆزى سەۋەبلىك باشقا دۆلەتلەر بىلەن يۈز بەرگەن تۇنجى قېتىملىق دىپلوماتىيە كىرزىسى ئەمەس ئىكەن. بۇلتۇر، ۋاستىروم ئىسرائىلىيەتنىڭ قولغا ئېلىنغانلارنى قامچىلاش جازاسىنى ئوتتۇرا ئەسىردىكى قەبىھ جازاغا ئوخشايدۇ دەپ ئەيىبلىگەن، شۇنىڭ بىلەن ئۇنىڭ بۇ سۆزى سەئۇدى ئەرەبىستاننىڭ غەزىپىنى قوزغاپ، ئۇنىڭ قاھىرە-ئەرەب رەھبەرلىرى يىغىنىدا سۆزلىمەكچى بولغان ئاياللار ھوقۇقى توغرىسىدىكى نۇتۇقىنى چەكلىگەن، ھەمدە شىۋىتسىيە بىلەن بولغان دىپلومتىك مۇناسىۋىتىنى ۋاقىتلىق توختاتقان. ستوكگولمۇ سەئۇدى ئەرەبىستان بىلەن بولغان قورال - ياراغ سودا كېلىشىمىنى يىرتىۋەتكەن.