مالايسىيە ئاۋىياتسىيە شىركىتىنىڭ MH17-قېتىملىق نۆۋەتچى ئايروپىلانى 17-ئىيۇل ئۇكرائىنانىڭ شەرقىدە چۈشۈپ كەتتى، بىرلەشكەن دۆلەتلەر تەشكىلاتى، ياۋروپا بىخەتەرلىك ۋە ھەمكارلىق تەشكىلاتى شۇنداقلا بىر قىسىم دۆلەتلەر تۈنۈگۈن بۇ پاجىئەنى خەلقئارانىڭ مۇستەقىل، ئادىل تەكشۈرۈشىنى، ھەقىقىي ئەھۋالنى ئايدىڭلاشتۇرۇشىنى مۇراجىئەت قىلدى.
بىرلەشكەن دۆلەتلەر تەشكىلاتى خەۋپسىزلىك كېڭىشى تۈنۈگۈن جىددىي يىغىن ئاچتى، خەۋپسىزلىك كېڭىشىنىڭ ئەزالىرى ۋە ئالاقىدار دۆلەتلەرنىڭ ۋەكىللىرى بۇ پاجىئەنىڭ ھەقىقىي ئەھۋالىنى تېزدىن تەكشۈرۈشپ چىقىشنى، ھەمدە مەسئۇلىيەتنى سۈرۈشتۈرۈشنى مۇراجىئەت قىلدى.

جۇڭگونىڭ بىرلەشكەن دۆلەتلەر تەشكىلاتىدا دائىمىي تۇرۇشلۇق ۋەكىلى ليۇ جېيى سۆز قىلغاندا، خەلقئارا خەلق ئاۋىياتسىيە بىخەتەرلىكى چوقۇم كاپالەتكە ئىگە بولۇش كېرەك. ھەقىقىي ئەھۋالنى تېپىپ چىقىش ھازىرقى مۇھىم ۋەزىپە، بىز بۇ ئىشنى مۇستەقىل، ئادىل ۋە ئوبيېكتىپ تەكشۈرۈشنى قوللايمىز، ھەر قايسى تەرەپنىڭ تەكشۈرۈشكە ماسلىشىشىنى ھەم ھەمكارلىشىشىنى مۇراجىئەت قىلىمىز، دېدى.

بىرلەشكەن دۆلەتلەر تەشكىلاتىنىڭ باش كاتىپى بانكىمون تۈنۈگۈن باياناتچىسى ئارقىلىق بايانات ئېلان قىلىپ، بۇ ۋەقەنى خەلقئارانىڭ ئومۇميۈزلۈك، ئاشكارە تەكشۈرۈشىنى، بىرلەشكەن دۆلەتلەر تەشكىلاتىنىڭ ھەمكارلىشىشنى خالايدىغانلىقىنى بىلدۈردى.

ياۋروپا بىخەتەرلىك ۋە ھەمكارلىق تەشكىلاتىنىڭ دائىمىي كېڭىشى تۈنۈگۈن بۇ تەشكىلاتنىڭ ۋېيىنادىكى باش ئورگىنىدا مالايسىيا ئاۋىياتسىيە شىركىتى ئايروپىلانىنىڭ چۈشۈپ كېتىش ۋەقەسىگە ئالاقىدار دائىمىي كېڭەش ئالاھىدە يىغىنى ئاچتى. يىغىندا بايانات ئېلان قىلىش ئارقىلىق ئالاقىدار خەلقئارا تەشكىلاتلار خادىملىرىنىڭ ئۇكرائىنانىڭ شەرقىدىكى پاجىئەت يۈز بەرگەن نەق مەيدانغا كىرىشىگە كاپالەتلىك قىلىشى، ھەر قايسى تەرەپلەرنىڭ نەق مەيداننى ياخشى قوغدىشى، خەلقئارا تەكشۈرۈشنى قوللىشى مۇراجىئەت قىلىندى.
ئامېرىكا زۇڭتۇڭى ئوباما تۈنۈگۈن ئاق سارايدا مالايسىيە ئاۋىياتسىيە شىركىتىنىڭ ئايروپىلانى چۈشۈپ كېتىش ۋەقەسى توغرىسىدا ئاخبارات ئېلان قىلىش يىغىنى ئېچىپ، رۇسىيە، ئۇكرائىنا ۋە ئۇكرائىنانىڭ شەرقىدىكى قوراللىقلارنى دەرھال ئۇرۇش توختىتىش كېلىشىمىنىڭ ھاسىل بولۇشىنى قوللاپ، ئايروپىلان چۈشۈپ كېتىش ۋەقەسىنى تەكشۈرۈشنىڭ مۇۋەپپەقىيەتلىك بولۇشىغا، نەق مەيداندىكى ئىسپاتلارنىڭ بۇزۇلۇپ كەتمەسلىكىگە پاكالەت بېرىشكە دەۋەت قىلدى.