ئەنگلىيە ‹‹ كۈندىلىك پوچتا گېزىتى ›› نىڭ 14–ئىيۇلدىكى خەۋىرىگە قارىغاندا ، ئەنگلىيە دورسېتتىكى بىلاندفورد فورۇمنىڭ ئەتراپىدىكى ئېتىزلىقتا بۇ يىلقى تۇنجى گېئومېتىرىيەلىك شەكىل پەيدا بولۇپ قالغان ، بۇنىڭ ۋەكىللىك خاراكتېرى ھەمدە ئىجادچىسى توغرىسىدا ھەر خىل قىياسلار ئوتتۇرىغا قويۇلغان .

بۇغداي ئېتىزلىقىدىكى بۇ غەلىتە شەكىل گېئومېتىرىيەلىك تۈز سىزىق ۋە چەمبەرلەردىن تەركىب تاپقان بولۇپ ، 122 مېتىر كېلىدىكەن ، شۇنداقلا بىر كېچىدىلا تۇيۇقسىز پەيدا بولۇپ قالغان . كۆپ قىسىم كىشىلەر بۇ غەلىتە شەكىلنى شۇ جايدىكىلەرنىڭ قىلغان بىمەنە چاقچىقى ، دەپ قارىغان . يەنە بىر قىسىم كىشىلەر بۇ سىرلىق شەكىللەرنى تاشقى پىلانت ئادىمى قالدۇرغان ، دەپ قارىغان ، ئىشتىن سىرتقى ئۇچقۇچى ، ئېتىزلىقتىكى گېئومېتىرىيەلىك شەكىل ھەۋەسكارى ماتسېۋ ۋىليامس مۇنداق دېدى : ‹‹ بۇ شەكىللەرنى كىم ياسىغانلىقى ، نېمىنى ئىپادىلەيدىغانلىقىدىن قەتئىينەزەر ، بۇ شەكىللەر بىر كېچىدىلا پەيدا بولۇپ قالغان ، بىز چوقۇم ئىجادىيەتچىنىڭ بۇ نادىر ئەسىرىگە قايىل بولۇشىمىز كېرەك ›› .

2004 – يىلى ئىيۇندا ئەنگلىيە ۋىلتتا پەيدا بولغان غەلىتە چەمبىرەكلەر.