2003-يىللىق دېترويىت ئاپتوموبىل كۆرگەزمىسىدە، ماسىرات تۇنجى پاسوندىكى SUV ئۇقۇم ئاپتوموبىلى Kubang  نى كۆرگەزمە قىلدى. ئەينى ۋاقىتتا SUV ساھەسى ھەشەمەتلىك پىكاپ ياكى مۇسابىقە ئاپتوموبىلىدەك ئۇنداق پىشىپ يېتىلمىگەن. بۇ ئۇقۇم ئاپتوموبىلىنىڭ روياپقا كېلىشى ماسىراتنىڭ تەنھەركەت تىپىدىكى ھەشەمەتلىك SUV ئاپتوموبىلى ياساش پىلانىنىڭ بارلىقىدىن دېرەك بەرگەن ئىدى.

2011-يىلى فرانكفورد ئاپتوموبىل كۆرگەزمىسىدە، ماسىراتنىڭ تەنھەرىكەت تىپىدىكى يېڭى ھەشەمەتلىك SUV ئۇقۇم ئاپتوموبىلى دۇنياغا كەلدى. بۇ ئۇقۇم ئاپتوموبىلى مەيلى ئىقتىدارى ياكى سەپلىمىسى جەھەتتە بولسۇن بىرقەدەر پىشىپ يېتىلگەن بولۇپ، بۇ ساپ ماسىرات SUV ئاپتوموبىلى كىشىلەرنىڭ دىققىتىنى تارتتى. 2016-يىللىق جەنۋە ئاپتوموبىل كۆرگەزمىسىدە، ماسىراتنىڭ يۈز يىللىق تارىخىدىكى تۇنجى تەنھەرىكەت تىپىدىكى ھەشەمەتلىك ئاپتوموبىل پاسونى SUV Levante رەسمىي ئېلان قىلىندى. ئۇ ئاپتوموبىلنىڭ دۇنياغا كېلىشى ماسىراتنىڭ مەھسۇلات لىنىيەسىنى بېيىتتى. شۇنىڭ بىلەن بىرگە ماسىراتنىڭ ماركا ئالاھىدىلىكىنى داۋاملاشتۇرۇش ئاساسىدا، بازارنى ئىنچىكە تەقسىملەشنىڭ  يىپيېڭى بىر سەھىپىسىنى ئاچقانلىقىدىن دېرەك بەردى.

ماسىراتنىڭ ئىلگىرىكى نۇرغۇن ئاپتوموبىل پاسونلىرىغا ئوخشاش، Levante نىڭ نامىمۇ شامالدىن كەلگەن بولۇپ، ئوتتۇرا دېڭىزنىڭ ئىللىق شامىلىنى ئەسلىتىدۇ. بۇ ئاپتوموبىل ماسىرات جەمەتىنىڭ تاشقى كۆرۈنۈشى، نەپىس ھەشەمەتلىك بولغان ئىچكى بېزىلىشى شۇنداقلا كەڭ ئىچكى بوشلۇق لايىھەسىگە ئىگە بولغاندىن باشقا، يەنە ئاپتوموبىلنى ھەيدىگەندىكى ھوزۇرى سىزگە غالىبلىق تۇيغۇسى بېغىشلايدۇ. مەيلى تېزلىنىشى ۋە ئەڭ يۇقىرى سۈرئىتى بولسۇن ياكى ئاممىباپلىقى، ماسلىشىشچانلىقى بولسۇن سىزگە قايناق ھېسسىيات ئاتا قىلىدۇ.