بەيدۇ تورى خەۋىرى ،لەگلەك تورى تەرجىمىسى .

     2011-يىلىنىڭ بېشىدا سۇرىيە كىرزىسى پارتىلاپ ھازىرغىچە ،قوشنا دۆلەت لىۋاندا تىزىمغا ئالدۇرغان سۈرىيىلىك مۇساپىرنىڭ سانى بىر مىلىيونغا يەتتى .زور تۈركۈمدىكى سۈرىيىلىك مۇساپىرلارنىڭ لىۋانغا كىرىشى ،لىۋاننىڭ ئىقتىساد ،داۋالىنىش ۋە مائارىپ ئىشلىرىغا غايەت زور بېسىم پەيدا قىلدى .مۇساپىرلارنىڭ تۇرمۇشىنى كاپالەتلەندۈرۈش ناھايتىمۇ تەسكە توختىماقتا .مۇخبىر يېقىندا لىۋاندا بىرمىلىيونىنچى مۇساپىر بولۇپ تىزىمغا ئالدۇرغان سۈرىيلىكنى زىيارەت قىلدى .

           ئۈچىنچى ئاينىڭ بېشىدا يەھيا ئانىسى ۋە ئىككى سىڭلىسى بىلەن سۈرىيەدىن ئايرىلغان ،ئۇلار كۆپ يەرلەرگە بېرىپ ئاخىرى لىۋاننىڭ شمالىي قىسمىغا كەلگەن ،3-ئاپرېل يەھيا يۇرتدىشىنىڭ يول كۆرسىتىشى بىلەن ب دت مۇساپىرلار مەھكىمىسىدە تىزىمغا ئالدۇرۇپ ،لىۋاندا تىزىمغا ئالدۇرغان بىر مىلىيونىنچى سۈرىيىلىك مۇساپىر بولۇپ قالدى .يەھيا مۇنداق دېدى :‹بىر مىليون سۈرىيىلىكنىڭ ماڭا ئوخشاش كۈنگە قالغانلىقىنى بىلىپ كۆڭلۈم بەك يېرىم بولدى ،نەرسىلەرنىڭ باھاسمۇ بەك قىممەتلىشىپ كەتتى ،مۇساپىرلارنىڭ سانىمۇ كۈندىن كۈنگە ئېشىۋاتىدۇ ،مەن بەك ئەنسىرەۋاتىمەن ›دېدى .ھازىر يەھيانىڭ ئائىلىسىدىكىلەر ئانىسىنىڭ ئالتۇن كۈمۈش زىبۇ زىننەت بۇيۇملىرىنى ساتقان پۇلغا تايىنىپ كۈن ئۆتكۈزۋېتىپتۇ ،ئۆي ئىجارىسى ۋە باشقا ئاساسىي تۇرمۇش خىراجەتلىرىنى چىقىرىۋەتكەندە ئۇلار نىڭ قولىدا ئانچە كۆپ پۇل قالمايدىكەن .يەھيا تېزراق خىزمەت تېپىشنى ئويلىغان بولسىمۇ ،ئەمما خېلى كۈنلەردىن بېرى ھېچقانداق خىزمەت تاپالمىغان .ئۇ مۇساپىر دەپ تىزىمغا ئالدۇرغاندىن كېيىن تېزراق ياردەمگە ئېرىشىشىنى ئويلىدى .ئۇ يەنە :‹ھېچكىم دۆلىتىدىن ئايرىلىشنى خالىمايدۇ ،چۈنكى ھېچقانداق جاي ئۆيىڭىزدەك سىنى سىغدۇرالمايدۇ ›دېدى .يەھيانىڭ كەچۈرمىشى سۈرىيىدىكى نۇرغۇن مۇساپىرلارنىڭ يېقىنقى ئەھۋالىغا ۋەكىل بولالايدۇ .ئۇلار باشقا دۆلەتكە مىڭ بىر مۇشەققەتتە باردى ،ئەمما بىخەتەرلىك ئەھۋالىنىڭ بىرقەدەر ياخشىلىقىنى ھېسابقا ئالمىغاندا ،تۇرمۇشىنىڭ يەنىلا قىيىنچىلىقتا ئۆتكۈدىغانلىقىنى بايقىۋېلىش تەس ئەمەس .

    سۇرىيە كىرزىسى يۈز بەرگىنىگە ئۈچ يىلدىن ئاشتى ،ھازىر 2مىلىيون 500مىڭ سۈرىيىلىك سۈرىيەدىن قېچىپ چىققان ،نۇرغۇن مۇساپىر لىۋان ،تۈركىيە ،ئىئوردانىيە قاتارلىق قوشنا دۆلەتلەرگە قېچىپ بارغان .لىۋاندا بىرمىلىيون مۇساپىر تىزىمغا ئالدۇرۇلدى ،بۇ لىۋان نوپۇسىنىڭ تۆتتىن بىر قىسمىغا توغرا كېلىدۇ .بىرلەشكەن دۆلەتلەر تەشكىلاتى مۇساپىرلار مەركىزى بۇنى پاجىئەلىك ئابىدىگە ئوخشاتتى .كۆپلىگەن مۇساپىرلارنىڭ لىۋانغا ئېقىپ كىرىشى لىۋان نىڭ ئىقتىساد ،داۋالىنىش ۋە مائارىپ ئىشلىرىغا بېسىم ئېلىپلا كەلمەستىن يەنە ،مۇساپىرلارنىڭ تۇرمۇش كاپالىتىنىمۇ قىيىنلاشتۇرۇۋەتتى .ب دت مۇساپىرلار مەھكىمىسى يېقىندا بايانات ئېلان قىلىپ ،تىزىمغا ئالدۇرغان سۇرىيە مۇساپىرلىرىنىڭ 70% ئاشلىق ياردىمىگە ،ئوقۇش يېشىدىكى 400مىڭ بالا ئۇقۇشقا موھتاج دېدى .

لەگلەك تورى  ئۈندىدار سالونىنى قۇشىۋېلىڭ ،ئىزدەش نۇمۇرى :LEGLEK