يەر شارى تورىنىڭ 8-ئاينىڭ 10-كۈنىدىكى خەۋىرى (لەگلەك تورى تۇران تەرجىمىسى): فرانسىيە ئاخبارات ئاگېنتلىقىنىڭ 10-ئاۋغۇستتىكى خەۋىرىگە ئاساسلانغاندا، بىر يولۇچىلار ئايروپىلانى ئىران پايتەختى مېھىرئاباد ئايروپىلان ئىستانسىسى ئەتراپىدا چۈشۈپ كەتكەن. ئىران دۆلەتلىك تېلېۋىزىيە ئىستانسىىسى دەسلەپكى خەۋىرىدە دېيىشىچە، يولۇچىلار ئايروپىلانى ھادىسىگە ئۇچراپ 40 تىن ئارتۇق ئادەم قازا قىلغان. ئىران نۆۋەتتە ئۆلگەن ئادەم سانىنىڭ 39 ئىكەنلىكىنى جەزىملەشتۈردى. 9 ئادەم يارىدار بولغان.
ئامېرىكا بىرلەشمە ئاگېنتلىقى دەسلەپتە ئىران دۆلەتلىك تېلېۋىزىيە ئىستانسىسىنىڭ خەۋىرىنى نەقىل قىلىشىچە، بىر كىچىك تىپتىكى يولۇچىلار ئايروپىلانى پايتەخت تېھراندا چۈشۈپ كەتكەن.
تېھران مېھىرئاباد ئايروپىلان ئىستانسىسى ئىران پايتەختىدىكى خەلقئارالىق ئايروپىلان ئىستانسىلىرىنىڭ بىرى، شەھەر مەركىزىگە يېقىنلىشىدۇ.
جۇڭگونىڭ تېھراندا تۇرۇشلۇق ئەلچىخانىسى ئىران ئاۋىئاتسىيە تارماقلىرىدىن جەزىملەشتۈرۈشىچە، بۈگۈن يۈز بەرگەن ئايروپىلان ۋەقەسىدە جۇڭگولۇق يولۇچىلار يوق ئىكەن.
ئىران دۆلەتلىك ئاخبارات ئاگېنتلىقى جەزىملەشتۈرۈشىچە، ھادىسىگە ئۇچرىغان يولۇچىلار ئايروپىلان ئىران سىپاھان ئاۋىئاتسىيە شىركىتىنىڭ IrAn-141 تىپلىق كىچىك يولۇچىلار ئايروپىلانى ئىكەن.
خەۋەرلەردە دېيىلىشىچە، بۇ ئايروپىلان مېھىرئاباد ئايروپىلان ئىستانسىسىدىن ئۇچۇپ ئۇزۇن ئۆتمەي چۈشۈپ كەتكەن. ئەسلىدە ئىراننىڭ شەرقىدىكى تاباس شەھىرىگە بارماقچى ئىكەن.