يېقىندا «سۈرئەت ۋە قايناق ھېسسىيات» يۈرۈشلۈك فىلىمىدىكى ئەر باش رولچى ۋىن دىسېل ئىجتىمائىي ئالاقە تورىدا يۈرۈشلۈك فىلىمنىڭ سەككىزىنچى بۆلۈمى، توققۇزىنچى بۆلۈمى ۋە ئونىنچى بۆلۈمىنىڭ شىمالى ئامېرىكىدىكى قويۇلۇش ۋاقتىنى ئاشكارلىدى، ئۈچ بۆلۈم ئايرىم-ئايرىم 2017-يىلى 4-ئاينىڭ 14-كۈنى، 2019-يىلى 4-ئاينىڭ 19-كۈنى ۋە 2021-يىلى 4-ئاينىڭ 2-كۈنى قويۇلىدۇ. فىلىم ئىشلىگۈچى تەرەپ يەرشارى كىنوچىلىقىمۇ بۇ ئۇچۇرنى دەلىللىدى. 

       قويۇلۇش ۋاقتىدىن سىرت، ۋىن دىسېل ئېلان قىلغان سۈرەتكە يەنە :«20 يىل، 10 بۆلۈم فىلىم، بىر رىۋايەت» دەپ يېزىلغان. بۇ گەپ بۇ يۈرۈشلۈك فىلىمنىڭ ئونىنچى بۆلۈمدە ئاخىرلىشىدىغانلىقىنى دەلىللىگەن. چۈنكى ئونىنچى بۆلۈمنىڭ قويۇلۇش ۋاقتى دەل 2021-يىلى، 2001-يىلى تۇنجى بۆلۈمى قويۇلغان ۋاقىت بىلەن دەل 20 يىل پەرقلىنىدۇ. 

        نۆۋەتتە «سۈرئەت 8» توغرىسىدىكى ئۇچۇر كۆپ ئەمەس، ئىلگىرى بەزى خەۋەردە فىلىم گۇرۇپپىسىنىڭ كۇبادا مەنزىرە سۈرەتكە ئالىدىغانلىقى ئېيتىلغان، كېيىن يەنە بەزى تاراتقۇلار ئارال دۆلىتىنىڭمۇ فىلىمنىڭ مەنزىرە سۈرەتكە ئېلىش ئورنىنىڭ بىرى ئىكەنلىكىنى ئاشكارلىغان. ۋىن دىسېل بۇندىن ئىلگىرى ئەڭ يېڭى ئۈچ بۆلۈمى ۋە ئالدىنقى يەتتە بۆلۈمىنىڭ ئۇسلۇبىدا پەرق بارلىقىنى بىلدۈرگەن، بۇندىن سىرت، «كامپىتوندىن بۆسۈپ ئۆتۈش» نىڭ رېژىسسورى گارى گرەي سەككىزىنچى بۆلۈمىگە رېژىسسورلۇق قىلىدۇ، جەيسېن سىتاسام قايتىپ كېلىدۇ، فىلىم 2017-يىلى 4-ئاينىڭ 14-كۈنى قويۇلىدۇ.