ئەنگىلىيە «كۈندىلىك پوچتا گېزىتى» نىڭ 1-ئاينىڭ 18-كۈنىدىكى دوكلاتىغا قارىغاندا، يېقىندا، كانادادىكى فوتوگراف پىك تومالتى تىيىنلارنىڭ بىر تۈركۈم رەسىملىرىنى تارتىۋالغان بولۇپ، ئۇلار ناھايىتى ئوماق ھەرىكەتلەرنى قىلغان.

ئىگىلىنىشىچە، 65 ياشلىق پىك بىر پېنسىيەگە چىققان ئوقۇتقۇچى ۋە فوتوگراف ئىكەن. يېقىندا، ئۇ ئۆزىنىڭ گۈللۈكىدە ئوماق قىلىقلارنى چىقارغان ئۈچ تىيىننى رەسىمگە تارتىۋالغان. ئۇ بۇنىڭ ئۈچۈن ئۇلارنى ئىككى كۈن ساقلىغان. ئۇنىڭ دېيىشىچە، تىيىنلار بىر-بىرىنى قىستىشىپ تۇرغاندا ناھايىتى ئوماق كۆرىنىدىكەن. ئۇلار خۇددى بىر ئۇۋىدىكى قېرىنداشلاردەك تۇيغۇ بېرىدىكەن.

رەسىمدە، ئۈچ تىيىن بالىسى دەرەخ كامىرىدىن چىقىپ، خۇددى ئەتراپنى رازۋېتكا قىلىۋاتقاندەك قارىغان. خەتەر يوقلۇقىنى ھېس قىلغاندىن كېيىن، كەينى-كەينىدىن كامىردىن چىققان ۋە دەرەخ بېشىدا ئويناشقا باشلىغان.