لىتىۋانىيەلىك ياش دادا توماس درىۇكاس ئۆزىنىڭ بالدۇر تۇغۇلۇپ قالغان بەش ئايلىق قىزى دېميمانتىنى كۈچەپ چايقاپ ئۆلتۈرۈپ قويغان. جەسەت تەكشۈرۈش دوكلاتىدا كۆرسىتىلىشىچە دېيمانتىنىڭ مېڭىسى ئېغىر زەخمىلىنپ، 26 يەردە سۆڭەك سۇنۇش كۆرۈلگەن.

بۇ يىل 26 ياشقا كىرگەن توماس بىر ئېلېكترو مېخانىك بولۇپ، قىز دوستى سىرتقا خىزمەت ئۈچۈن چىقىپ كەتكەن مەزگىلدە قىزىغا قاراپ تۇرغان. توماسنىڭ ئېيتىشىچە ئۇنىڭ قىزى توختىماي يىغلاپ غەلۋە قىلغان، قىزىنىڭ زاكىسىنى ئالماشتۇرۇش ئۇنىڭغا بىر جەڭدەك تۇيۇلغان، شۇنىڭ ئۈچۈن ئۇ قىزىنى چايقاپ ئەدەبلەپ قويماقچى بولغان.

        ئەينى ۋاقىتتا دېيمانتىنىڭ نەپەسلىنىشى قىيىنلاشقانلىقى ئۈچۈن دوختۇرخانىغا ئېلىپ بېرىلغان، لېكىن مېڭىسدە زەخمىلىنىش ئېغىر بولغانلىقتىن، قۇتقۇزۇش ئۈنۈم بەرمەي شۇ كۈنى چۈشتىن كېيىن قازا قىلغان. دوختۇرنىڭ ئېيتىشىچە قىزنىڭ مېڭىسى ۋە كۆزىدە قان كۆپ چىقىپ كەتكەن، بەدىنىدە 26 يەردە سۆڭەك سۇنۇپ كەتكەن.

ئىلگىرى دېيمانتى بالدۇر تۇغۇلۇپ قالغانلىقى ئۈچۈن دوختۇرخانىدا ئالتە ھەپتە داۋالانغان، بۇ مەزگىلدە توماس قىزىنى كۆرگىلى پەقەت يەتتە قېتىم بارغان.

     توماس قەستەن زەخمىلەندۈرۈش جىنايىتى بىلەن قولغا ئېلىندى، سوتنىڭ بىلدۈرىشىچە بوۋاق بالدۇر تۇغۇلۇپ قىلىپ دوختۇرخانىدا داۋالىنىپ چىققاندا سۆڭەك سۇنۇش ئەھۋالى كۆرۈلمىگەن، شۇنىڭ ئۈچۈن بوۋاقنىڭ بەدىنىدىكى زەخمە نامۇۋاپىق كۈتۈشتىن پەيدا بولغان ئىكەن.

      تىببىي ئىسپاتلار بوۋاقنىڭ تەبىئىي سەۋەبتىن زەخمىلەنگەنلىكى چەتكە قاققاندا، توماس ئاندىن ئۇ قىزىغا قاراۋاتقاندا قىزىنىڭ ئاغرىپ قالغانلىقى، بىر قېتىم بوۋاقلار ھارۋىسىدا ئۇخلاۋاتقاندا ئۆزىنىڭ قىزىنىڭ بەدىنىنى بېسىۋالغانلىقىنى ئىقرار قىلدى.

بۇ دېلو ھازىر داۋاملىق سوتلىنىۋاتىدۇ.