ئۈرۈمچى ۋاقتى 2015-يىلى 1-ئاينىڭ 15-كۈنى كەچ سائەت 11:30 دا، 2015-يىللىق FIFA  مۇكاپات تارقىتىش مۇراسىمى سىيۇرىختا ئۆتكۈزۈلدى. مېسسى كىرستىيانو رونالدو ۋە نېيمارنى مەغلۇب قىلىپ، 5-قېتىم ئالتۇن توپقا ئېرىشتى.

   بۇندىن بۇرۇن FIFA 2015-يىللىق ئالتۇن توپ مۇكاپاتى ئاخىرقى ئۈچ نامزاتىنى ئاشكارىلاپ بولغان. كىشىلەر كىشىلەر رونالدو بىلەن مېسسى بۇ مۇكاپاتنى تالىشىدۇ، دەپ پەرەز قىلىشقانىدى. مېسسى بۇندىن بۇرۇن بۇ تۆت قېتىم ئالتۇن توپقا ئېرىشكەن. لېكىن يېقىنقى ئىككى يىلدا رونالدو مۇكاپات ساھىبى بولغان. 215-يىلى مېسسى بارسېلونا بىلەن بىرلىكتە «بەش شاھ»لىقنى قولغا كەلتۈردى. لېكىن رونالدو بىرمۇ لوڭقىنى قولغا كەلتۈرەلمىدى. شۇڭا مېسسى مۇراسىمدىن بۇرۇنلا مۇكاپاتنىڭ ئەڭ كۈچلۈك نامزاتى دەپ قارالغان.

   2015-يىللىق ئەڭ  مۇنەۋۋەر سەپ شەكلىگە مېسسى، رونالدو، نېيمار تەڭلا كىرگەن بولۇپ، بۇنىڭدىن مۇكاپات نامزاتلىرى ئارىسىدىكى رىقابەتنىڭ قانچىلىك كۈچلۈك ئىكەنلىكىنى كۆرۈۋالغىلى بولىدۇ. قائىدىگە ئاساسەن، ھەر قايسى دۆلەت مەشقاۋۇللىرى، كوماندا باشلىقلىرى ۋە مۇخبىرلار ۋەكىللىرى بېلەت تاشلىدى.

   بۇ يىللىق FIFA ئالتۇن توپ مۇكاپاتىنى تارقىتىپ بەرگۈچى 2007-يىللىق ئالتۇن توپ مۇكاپاتى ساھىبى، بىرازىلىيەلىك چولپان كاكا بولۇپ، ئۇنىڭدىن ئەينى چاغدىكى مۇكاپاتقا ئېرىشكەن كۆرۈنۈشلەر يادىڭىزدا بارمۇ دەپ سورالغاندا، ئۇ : «ئەينى يىلدىكى مۇكاپات تارقاتقان كۆرۈنۈشلەرنى مەن تۈنۈگۈن تېخى ۋېدىيودا كۆردۈم. ھازىر بۇ مۇكاپات نامزاتلىرىنى كۆرۈپ، ئەينى يىللاردىكى ھاياجانلىق دەقىقىلەرنى ھېس قىلدىم.» دېدى.

   ئاخىرىدا كاكا بۇ يىللىق ئالتۇن توپ مۇكاپاتى ساھىبى مېسسى ئىكەنلىكىنى جاكارلىدى. ئۇ كۈلۈمسىرىگىنىچە ئالتۇن توپنى مېسسىغا تاپشۇردى. مېسسى مۇنداق دېدى: «بۇ مېنىڭ 5-قېتىم ئالتۇن توپ مۇكاپاتىغا ئېرىشىشىم، بۇ مېنىڭ توختىماي ئىلگىرىلىگەنلىكىمنى بىلدۈرىدۇ. مەن رىقابەتچىلىرىمنىڭ ئىنتايىن كۈچلۈكلىكىنى چوڭقۇر چۈشىنىمەن. شۇڭا مەن بۇ ئالتۇن توپنى قەدىرلەيمەن.»

   2015-يىلى مېسسىنىڭ ئىپادىسى تولىمۇ قالتىس بولدى، ئۇ بارسېلونا بىلەن «بەش شاھ» بولۇپلا قالماي، 2014-2015-مۇسابىقە پەسلى ئۇزغۇنلۇق ئەڭ مۇنەۋۋەر مەرگەن (10 توپ)، ياردەم توپ شاھى (6 ياردەم توپ) بولدى. ئىسپانىيە بىرلەشمىسى كۈمۈش كەش (43 توپ)، ياردەم توپ شاھى (18 ياردەم توپ) ۈولدى. بارسېلوناغا ۋاكالىتەن 53 مەيداندا 48 توپ كىرگۈزۈپ، 23 ياردەم توپ چىقاردى. ئارگېنتىنانى باشلاپ، ئامېرىكا قىتئەسى لوڭقىسىدا ھەل قىلغۇچ مۇسابىقىگە كىردى. ئۇ بۇ قېتىم 5-قېتىملىق ئالتۇن توپ مۇكاپاتىغا ئېرىشكەندىن كېيىن، مېسسى بىلەن رونالدو ئالتۇن توپ مۇكاپاتىنى مىسىلى كۆرۈلمىگەن ھالدا، ئۇدا سەككىز يىل مونوپول قىلدى...