روسىيە تاراتقۇلىرىنىڭ خەۋىرىگە ئاساسلانغاندا، شۇ جاي ۋاقتى 1- ئاينىڭ 3 - كۈنى سەھەردە ، ئامېرىكا ئالاھىدە قىسمى ئىراقنىڭ شىمالى قىسمىدىكى موسۇل شەھىرى ئەتراپىدا ھەربىي ھەرىكەت قانات يايدۇرۇپ، جەمئىي 15 نەپەر « ئىسلام دۆلىتى » قوراللىق ئۇنسۇرلىرىنى يوقاتقان، ئۇنىڭدىن باشقا يەنە 11 قوراللىق ئۇنسۇرنى قولغا ئالغان.

       مۇناسىۋەتلىك ئەمەلدارنىڭ بىلدۈرۈشىچە ، 3-يانۋار تاڭ ئېتىشقا يېقىن، ئامېرىكا ئالاھىدە قىسمى موسۇل شەھەر ئەتراپىدىكى ئېدس ھېلم يار كەنتىگە كىرگەن بولۇپ، ئارقىدىنلا ئامېرىكا ئارمىيەسى بىلەن «ئىسلام خەلىپىلىكى» تەشكىلاتى قوراللىق ئۇنسۇرلىرى ئوتتۇرىسىدا توقۇنۇش يۈز بەرگەن ، توقۇنۇستا 15 تېررورچى ئۇنسۇر يوقىتىلغان، 11 قوراللىق ئۇنسۇر قولغا ئېلىنغان.

     خەۋەرلەردە دېيىلىشىچە ، ھەربىي ھەرىكەت بىر يېرىم سائەت داۋاملاشقان بولۇپ، ئامېرىكا ئالاھىدە قىسمى زىيانغا ئۇچرىمىغان.

2015-يىلى 12-ئاينىڭ 28-كۈنى، ئىراق ئارمىيەسى ئىراقنىڭ ئوتتۇرا قىسىمىدىكى شەھەر رەمادىنى «ئىسلام خەلىپىلىكى» تەشكىلاتىنىڭ چاڭگىلىدىن ئازاد قىلغانلىقىنى جاكارلىغان بولۇپ، ئىراق زۇڭلىسى ئاباد رەمادىدا ئىراق دۆلەت بايرىقىنى تىكلىگەن.