قاتار دىپلوماتىيە مىنىستىرلىكى شۇ جاي ۋاقتى 6- يانۋار مەزكۇر دۆلەتنىڭ ئىراندا تۇرۇشلۇق باش ئەلچىسىنى قايتۇرۇپ كېتىپ، ئىرانلىق كۈچ كۆرسەتكۈچىلەرنىڭ سەئۇدى ئەرەبسىتان ئەلچىخانىسىغا ھۇجۇم قىلغانلىقىغا نارازىلىقىنى بىلدۈرگەن. يېقىندىن بۇيان كۆپلىگەن دۆلەتلەرنىڭ ئىران بىلەن دىپلوماتىك مۇناسىۋەتنى ئۈزگەنلىكى ياكى دىپلوماتىك مۇناسىۋەت دەرىجىسىنى تۆۋەنلەتكەنلىكىگە قارىتا، ئىران دىپلوماتىيە مىنىسىتى 6- نويابىر سەئۇدى ئەرەبسىتاننى ئىككى دۆلەت مۇناسىۋىتىنى تېخىمۇ جىددىيلەشتۈرىۋېتىدىغا ھەرىكەت ۋە سىياسەتلەرنى توختىتىشقا مۇراجىئەت قىلغان. قاتار ئاخبارات ئاگېنتلىقىنىڭ خەۋىرىگە قارىغاندا، قاتار دىپلوماتىيە مىنىستىرلىكى 6- يانۋار كەچتە بايانات ئېلان قىلىپ، ئىراندا تۇرۇشلۇق باش ئەلچىسىنى قايتۇرۇپ كېلىدىغانلىقىنى جاكارلىغان . قاتار دىپلوماتىيە مىنىستىرلىكى يەنە ئىراننىڭ قاتاردا تۇرۇشلۇق ئەلچىخانىسىغا ئېتىراز بىلدۈرۈش نوتىسى تاپشۇرۇپ، ئىرانلىق كۈچ كۆرسەتكۈچىلەرنىڭ سەئۇدى ئەرەبىستاننىڭ ئىراندا تۇرۇشلۇق ئەلچىخانىسىغا ھۇجۇم قىلىش ۋەقەسىگە نارازىلق بىلدۈرىدىغانلىقىنى ئوتتۇرىغا قويغان.