ئۇكرائىنا، كوكاكولا شىركىتى ئېلان قىلغان خەرىتىدە قىرىمنىڭ رۇسىيەگە قوشۇۋېتىلگەنلىكىدىن نارازى بولدى

    كوكاكولا ئېلان قىلغان 1.0 نۇسخىدىكى رۇسىيە خەرىتىسىدە، رۇسىيەنى شىمالدىكى تۆت ئارالنى ئۆز ئىچىگە ئالغان چوڭ زېمىنىدىن ئايرىپ تاشلىغان. جۇڭگو تورىنىڭ 6-يانۋاردىكى تېلېگراممىسى، رۇسىيە تاراتقۇلىرىنىڭ 5-يانۋاردىكى خەۋىرىگە قارىغاندا، ئامېرىكا كوكاكولا شىركىتى رۇسىيەدىكى ئەڭ چوڭ ئىجتىمائىي ئالاقە سۇپىسى بولغان «سويىدې نىنوخ»نىڭ باش بېتىدە، پىراۋوسلاۋىيە دىنىنىڭ يېڭى يىلىنى تەبرىكلەپ رۇسىيەنىڭ بىر پارچە خەرىتىسىنى ئېلان قىلغان، بىراق تەھرىرلىگۈچى قەستەن چۈشۈرۈپ قويغانمۇ ياكى ئۇنىڭغا جۇغراپىيە دەرسىنى تەنتەربىيە ئوقۇتقۇچىسى ئۆتكەنمۇ، ئىشقىلىپ شىركەت ئېلان قىلغان رۇسىيە خەرىتىسىدە رۇسىيە چوڭ زېمىندىن «مەھرۇم»قىلىنغان. ياۋروپا قىتئەسىگە ئۆتىدىغان مۇھىم ئىشتاتى بولغان كالىنىنگراد ئىشتاتى، شۇنداقلا ياپونىيە بىلەن تالاش - تارتىش قىلىۋاتقان شىمالدىكى تۆت ئارال (مىنامى تاقىم ئاراللىرى)، ئۇكرائىنا بىلەن تالىشىۋاتقان قىرىم يېرىم ئارىلى قاتارلىقلار خەرىتىگە كىرگۈزۈلمىگەن. ئەلۋەتتە، بۇ ئىشنى رۇسىيەدىكى كەڭ تورداشلار ئۇنداقلا بولدى قىلمىغان. كەڭ كۆلەملىك قارشىلىق سادالىرى ئىچىدە، كوكاكولانىڭ ئورگان تورىغا مەسئۇل كىشى رەسمىي شەكىلدە كەچۈرۈم سوراپلا قالماي، يەنە شۇ ۋاقتىنىڭ ئۆزىدىلا يۇقىرىدىكى خەرىتىنى ئۆزگەرتكەن، خەرىتىدە «چۈشۈپ»قالغان زېمىنلارنىڭ ھەممىسىنى رۇسىيەنىڭ دائىرىسى ئىچىگە كىرگۈزگەن. بۇ ماجىرانىڭ ساداسى بېسىقماي تۇرۇپ، يەنە بىر قېتىملىق ماجىرا چىققان. قىرىم ئارىلىنىڭ رۇسىيەگە قوشۇۋېتىلىشى، ۋەتەنپەرۋەرلىك ھېسسىياتى كۈچلۈك ۋە بەكمۇ سەزگۈر بولغان ئۇكرائىنا ئاممىسىنىڭ نەپرىتىنى قوزغىغان. كوكاكولا شىركىتى ئۆزلىرى ئېلان قىلغان خەرىتىدە قىرىم ئارىلىنى ھەقىقەتەن رۇسىيەگە قوشۇۋەتكەنلىكىنى ئېتىراپ قىلغانلىقتىن، ئۇكرائىنادىكى مىللەتچىلىك تەشكىلاتى بولغان «ھۆرىيەت» تەشكىلاتىنىڭ رەھبىرى ئولېگ جياگنابوك شۇ ۋاقىتنىڭ ئۆزىدىلا فېيسبۇكتىكى شەخسىي تور بېتىدە بۇ ئىشقا ئىنكاس قايتۇرغان ھەمدە يەرلىك دائىرىلەرنى كوكاكولانىڭ ئۇكرائىنا چېگراسىدىكى پائالىيىتىنى چەكلەشكە مۇراجىئەت قىلغان. ئىگىلىنىشىچە، رۇسىيە بىلەن ئۇكرائىنادىكى تورداشلارنىڭ ئىككى تەرەپتىن ھۇجۇم قىلىشىغا بەرداشلىق بېرەلمىگەن كوكاكولا شىركىتى، ئارقىدىنلا يۇقىرىدىكى ئىككى پارچە تەبرىك خەرىتىسىنى توردىن ئۆچۈرۈۋەتكەن. بىراق، «تىرناقنىڭ ئاستىدىن كىر ئىزدەيدىغان»رۇسىيەلىك تورداشلار، كوكاكولا شىركىتىنىڭ ئۇكرائىن تىلىدىكى «سويىدې نىنوخ»نىڭ باش بېتىدە، قىرىم ئارىلىنىڭ تۇيۇقسىزلا ئۇكرائىنا دائىرىسىگە قوشۇۋېتىلگەنلىكىنى بايقاپ قالغان. بىر قىسىم تەھلىلچىلەر بۇ ئىشقا دەل جايىدا باھا بېرىپ:«بۇ ئوچۇقتىن -ئوچۇقلا ئىككى بىسلىق ئۆلچەم قوللانغانلىق، بۇ، شىركەتنىڭ پايدا ئېلىشنى بىردىنبىر مەقسەت قىلىدىغان ماھىيەتىنى تولۇق ئاشكارىلاپ بەردى»دېگەن.

   كوكاكولا ئېلان قىلغان 2.0 نۇسخىدىكى رۇسىيە خەرىتىسىدە، قىرىم ئارىلى يەنىلا رۇسىيەگە «قوشۇۋېتىلگەن». كوكاكولا شىركىتى كېيىن يەنە:«بىز سىلەرنىڭ كۆڭلۈڭلارنى غەش قىلغانلىقىمىزدىن ئەپسۇسلىنىمىز ھەم چىن قەلبىمىزدىن ئەپۇ سورايمىز، بىز خەرىتىنى تۈزىتىپ بولدۇق، دىققەت قىلغايسىلەر»دېگەن.

   كوكاكولا شىركىتىنىڭ ئۇكرائىن تىلىدىكى ئورگان تورىنىڭ باش بېتىدە، قىرىم ئارىلى بۇرۇنقىدەكلا ئۇكرائىنا دائىرىسىدە قالدۇرۇپ قويۇلغان.

    نۆۋەتتە، تالاش - تارتىش پەيدا قىلغان خەرىتىنى كوكاكولا شىركىتىنىڭ رۇس تىلىدىكى ئورگان تورىنىڭ باش بېتىدىن ئۆچۈرۈۋەتكەن.

   ئۇكرائىنادىكى مىللەتچىلىك تەشكىلاتى بولغان «ھۆرىيەت» تەشكىلاتىنىڭ رەھبىرى ئولېگ جياگنابوك شۇ ۋاقىتنىڭ ئۆزىدىلا فېيسبۇكتىكى شەخسىي تور بېتىدە بۇ ئىشقا ئىنكاس قايتۇرغان ھەمدە يەرلىك دائىرىلەرنى كوكاكولانىڭ ئۇكرائىنا چېگراسىدىكى پائالىيىتىنى چەكلەشكە مۇراجىئەت قىلغان.