ئامېرىكىلىق مۇتەخەسسىلەر تەجرىبە چاشقىنىنى سىناق ئوبېكتى قىلىپ، كارىۋاتقا چىقىش ۋاقتى ۋە ئۇيقۇ سۈپىتىنىڭ مۇناسىۋىتىنى تەتقىق قىلغان ھەمدە بۇنى ئادەمگە تەتبىقلاپ دەلىللىگەندىن كېيىن مۇنداق يەكۈن چىقارغان: كارىۋاتقا چىقىش ۋاقتىنىڭ ئۇيقۇ سۈپىتى ۋە ساغلاملىققا كۆرسىتىدىغان تەسىرى ئىلگىرى بىز ئويلىغاندىن نەچچە ھەسسە مۇھىم ئىكەن. يەنى كارىۋاتقا چىقىش ۋاقتى قانچە كەچ بولسا، ئۇيقۇ سۈپىتى شۇنچە ناچار بولىدىكەن. گەرچە ئەتىسى چۈشكىچە ئۇخلىسىمۇ، ئەمما ئۇلار كېچىلىك ئۇيقۇنىڭ كەم قالغان يېرىنى تولۇقلىيالمايدىكەن.

بۇ تەتقىقاتقا مەسئۇل دوكتور مۇنداق دېدى: ئادەمنىڭ بىئولوگىيىلىك سائىتى دائىم كاشىلىغا ئۇچرىسا ئۇلارنىڭ ئۇيقۇدىن ئويغىنىش قېتىم سانى شۇنچە كۆپ بولىدىكەن، ئەسلىگە كېلىشكە ئالاقىدار ئۇيقۇ بىلەن مۇناسىۋەتلىك چوڭ مېڭە ھەرىكىتى ئازىيىپ، ئىممۇنىت سىستېمىسىنىڭ مۇقىملىقى تەسىرگە ئۇچرايدىكەن-دە، ئادەمنىڭ سالامەتلىكىگە زىيان يېتىدىكەن. بۈگۈنكى كۈندە چىراغ كېچىچە ئۆچمەيدۇ، خىزمەت ۋاقتى ئۇزۇراپ تۇرىدۇ، يەنە سىمىنا ئالمىشىپ ئىشلەيدىغان ئىشمۇ بار، ۋاقىت پەرقى دائىم بولۇپ تۇرىدۇ. بۇلارنىڭ ھەممىسى ئادەمنىڭ ئۇيقۇ دەۋرىيلىكىگە تەسىر قىلىدىغان ئامىللار؛ ئادەم كارىۋاتقا بەك كەچ چىقىپ قالسا، گەرچە ئۇخلاش ۋاقتى يېتەرلىك بولسىمۇ، يەنىلا قېنىپ ئۇخلاش مەقسىتى روياپقا چىقمايدۇ.