5-يانۋار ئۆتكۈزۈلگەن مەملىكەتلىك 13-نۆۋەتلىك قىشلىق تەنھەرىكەت مۇسابىقىسىنىڭ كىرىش بېلىتىنى ئالدىن سېتىش ۋە پوچتا مۇلازىمىتى ئاخبارات ئېلان قىلىش يىغىنىدا قىشلىق تەنھەرىكەت مۇسابىقىسىنىڭ كىرىش بېلىتى رەسمىي ئېلان قىلىندى.      كىرىش بېلىتىنىڭ بىر يۈرۈشى 5 ۋاراق بولۇپ، ئايرىم ھالدا ئېچىلىش مۇراسىمى كىرىش بېلىتى، يېپىلىش مۇراسىمى كىرىش بېلىتى، مەيدان-سارايلارنىڭ كۈندىلىك ھەممىباب بېلىتى، يىپەك يولى قار تېيىلىش مەيدانى بېلىتى، تەڭرىتاغ بۇغدا كۆلى قار تېيىلىش مەيدانى كىرىش بېلىتىدىن ئىبارەت. ھەربىر خىل كىرىش بېلىتى لايىھەسى خاسلىققا ئىگە بولسىمۇ، لېكىن ھەممىسىدە ‹‹گۈزەل شىنجاڭدا جەم بولۇپ، قىشلىق تەنھەرىكەت مۇسابىقىسىدىن ئورتاق بەھرىمەن بولايلى›› دېگەن سۆز باش تېما قىلىنغان. بېلەت يۈزىگە ئاساسلىقى مۇسابىقە بەلگىسى، قۇت بۇيۇمى، مەيدان-سارايلار، مۇسابىقە تۈرلىرى چۈشۈرۈلگەن، بېلەت يۈزى لايىھەسىگە شىنجاڭنىڭ قىشلىق مەنزىرىسى، قىشلىق تەنھەرىكىتى، مىللەتلەر تەنتەربىيەسى ۋە ئومۇمىي خەلق بەدەن چېنىقتۇرۇش قاتارلىق مەزمۇنلار گىرەلەشتۈرۈلگەن بولۇپ، بۇنىڭدا شىنجاڭنىڭ ھەيۋەت مەنزىرىسى، قىشلىق تەنھەرىكىتىدىكى قالتىس مىنۇتلار ۋە خەلق ئارىسى تەنتەربىيەسىنىڭ ئالاھىدە قىياپىتى نامايان قىلىنغان.

     ئىگىلىنىشىچە، مەملىكەتلىك 13-نۆۋەتلىك قىشلىق تەنھەرىكەت مۇسابىقىسى كىرىش بېلىتىنى لايىھەلەش 2015-يىل ئۆكتەبىردە باشلانغان بولۇپ، دېكابىرنىڭ ئاخىرى لايىھە بېكىتىلگەن، لايىھە كوللېكتىپىنىڭ 12 قېتىملىق لايىھەسىدىن كېيىن بۇ لايىھە بېكىتىلگەن.