يېقىندا ئۆلكىلىك خەلق ئىشلار نازارىتى بىلەن ئۆلكىلىك مالىيە نازارىتى بىرلىكتە «گۇاڭدوڭ ئۆلكىلىك خەلق ئىشلار نازارىتى، گۇاڭدوڭ ئۆلكىلىك مالىيە نازارىتى باققۇچىسى يوق بالىلارغا تۇرمۇش ياردەم پۇلى تارقىتىش توغرىسىدىكى ئۇقتۇرۇش» (پىكىر ئېلىش نۇسخىسى)نى تۈزۈپ چىقتى، 25-دېكابىر مەزكۇر پىكىر ئېلىش نۇسخىسى جەمئىيەتكە ئاشكارا ئېلان قىلىندى.

     پىكىر ئېلىش نۇسخىسىدا مۇنداق دەپ كۆرسىتىلدى: پۈتۈن ئۆلكە بويىچە باققۇچىسى يوق بالىلارغا تۇرمۇش ياردەم پۇلى تارقىتىش تۈزۈمىنى تۇرغۇزۇپ، 2016-يىلى 1-يانۋاردىن باشلاپ پۈتۈن ئۆلكىدىكى باققۇچىسى يوق بالىلارغا تۇرمۇش ياردەم پۇلى تارقىتىلىدۇ. تۇرمۇش ياردەم پۇلى تارقىتىش ئوبېيكتى: مۇشۇ ئۆلكە نوپۇسىدىكى 18 ياشتىن تۆۋەن، ئاتا-ئانىسىنىڭ ھەر ئىككىسى بېقىش ۋە ھامىيلىق قىلىش مەسئۇلىيىتىنى ئادا قىلالمايدىغان ياكى تولۇق ئادا قىلالمايدىغان قۇرامىغا توشمىغانلار، ئاساسلىقى تۆۋەندىكىلەرنى ئۆز ئىچىگە ئالىدۇ:

ئاتا-ئانىسىنىڭ ھەر ئىككىلىسى يوقاپ كەتكەن، تاشلىۋەتكەن، ئېغىر كېسەل ياكى ئېغىر مېيىپ، تۈرمىدە جازا ئۆتەۋاتقان مۇددىتى (ئايرىپ زەھەر تاشلىتىۋاتقان، تۆۋەندىمۇ ئوخشاش) بىر يىلغا توشقان ھەم ئۇنىڭدىن يۇقىرى، ئاتا-ئانىسىدىن بىر تەرەپ يوقاپ كەتكەن يەنە بىر تەرەپ تاشلىۋەتكەن، ئېغىر كېسەل ياكى ئېغىر مېيىپ، تۈرمىدە جازا مۇددىتى ئۆتەۋاتقانلار. باققۇچىسى يوق بالىلار 18 ياشقا توشقاندىن كېيىنمۇ يەنىلا پۈتۈن كۈنلۈك مەجبۇرىيەت مائارىپى باسقۇچىدىكى مەكتەپ، ئادەتتىكى ئوتتۇرا مەكتەپ، ئوتتۇرا دەرىجىلىك كەسپىي مەكتەپ، ئالىي كەسپىي مەكتەپ ۋە ئادەتتىكى تولۇق كۇرس، مەخسۇس كۇرس مەكتەپلىرىدە ئوقىۋاتقان بولسا داۋاملىق تۇرمۇش ياردەم پۇلىدىن بەھرىمان بولىدۇ.

پىكىر ئېلىش نۇسخىسىدا مۇنداق دەپ كۆرسىتىلدى:

    پۈتۈن ئۆلكىدىكى باققۇچىسى يوق بالىلارغا تۇرمۇش ياردەم پۇلى تارقىتىش ئۆلچىمى ھەر ئايدا ھەر ئادەمگە 500 يۈەن، شارائىتى بار ئورۇنلار ياردەم پۇلى ئۆلچىمىنى مۇۋاپىق كۆپەيتسە، يېتىم بالىلارنى بېقىپ تەربىيلەش ئۆلچىمىنى ئاساس قىلىپ باققۇچىسى يوق بالىلارنىڭ تۇرمۇش ياردەم پۇلىنى تەبئىي ئۆستۈرۈش مېخانىزىمىنى تۇرغۇزسا بولىدۇ. شارائىتى يار بەرگەنلەر باققۇچىسى يوق بالىلارنىڭ ھامىيسى ياكى ئۆزى باققۇچىسى يوق بالا تۇرۇشلۇق ئورۇندىكى يېزا-بازارلىق خەلق ھۆكۈمىتى (مەھەللە ئىش بېجىرىش باشقارمىسى)غا ئىلتىماس سۇنۇپ، تەكشۈرۈپ-تەستىقلاش جەدىۋىلىنى تولدۇرىدۇ ھەمدە ئالاقىدار ئىسپات ماتېرىياللارنى تاپشۇرىدۇ. شەھەر-يېزا تۆۋەن تۇرمۇش كاپالىتى قۇتقۇزۇش پۇلىدىن بەھرىمان بولىۋاتقان راستىلا باققۇچىسى يوق بالىلارغا قارىتا كەم قىسمىنى تولۇقلاپ بېرىش چارىسى قوللىنىلىدۇ، يەنى تۆۋەن تۇرمۇش كاپالەت سوممىسى قۇتقۇزۇش پۇلى ئاساسىدا 500 يۈەنگە يەتكىچە تولۇقلاپ بېرىلىپ، باققۇچىسى يوق بالىلارنىڭ تۇرمۇش ياردەم پۇلى ئەمەلىيلەشتۈرلىدۇ.