«پىلانىتلار ئۇرۇشى» نىڭ ئامېرىكىدىكى تەسىر كۈچىنى چۈشەنمەكچى بولسىڭىز، بېلەت كىرىمى سانلىق مەلۇماتىغا قارىسىڭىزلا يىتەرلىك. بۇ فىلىمنىڭ ئەڭ يېڭى بۆلۈمى «پىلانىتلار ئۇرۇشى 7» نىڭ پەيشەنبە كېچىلىك مەيدان بېلەت كىرىمى 50-60 مىلىيون دوللارغا يېتىپ، بۇندىن ئىلگىرىكى رېكورت ساقلىغۇچى 2011-يىلى 7-ئايدىكى «خاررى پوتتېر 7» نىڭ 43.50 مىلىيون دوللارلىق بېلەت كىرىمىدىن ئېشىپ، تارىختىن  بۇيانقى 12-ئايدا قويۇلغان بېلەت كىرىمى ئەڭ يۇقىرى فىلىمغا ئايلاندى.

     «پىلانىتلار ئۇرۇشى7» J·J ئابرامىس رېژىسسورلۇق قىلغان، پەيشەنبە كەچ 7:00 دىن باشلاپ ئامېرىكىدا مىڭدىن ئارتۇق كىنوخانىدا قويۇلدى، بۇندىن ئىلگىرى بۇ فىلىمنىڭ نۇرغۇنلىغان بېلەت سېتىش تورىدىكى ئالدىن سېتىش نەتىجىسى تارىخى رېكورت ياراتقان.

جۈمە كۈنى «پىلانىتلار ئۇرۇشى 7» شىمالى ئامېرىكىدىكى 4134 كىنوخانىدا ئومۇميۈزلىك قويۇلۇپ، تارىختىن بۇيانقى 12-ئايدا قويۇلىشى ئەڭ كەڭ كېڭەيتىلگەن فىلىمگە ئايلاندى. تاراتقۇلار «پىلانىتلار ئۇرۇشى7» نىڭ تۇنجى ھەپتە ئاخىرىدىكى ئۈچ كۈنلۈك بېلەت كىرىمىنى 180-220 مىلىيون دوللارغا يېتىدۇ دەپ مۆلچەرلىدى، بۇ يىل يازلىق مەزگىلدىكى «يۇرا ئېراسى دۇنياسى» ياراتقان 208.8 مىلىيون دوللارلىق بېلەت كىرىمىدىن ئېشىشىدىن ئۈمىد بار. بۇندىن ئىلگىرى، 12-ئايدا قويۇلغان رېكورت ساقلاپ قالغۇچى بولسا «خوبىتلار1: تاسادىپىي سەپەر»، ئۈچ كۈنلۈك بېلەت كىرىمى 84.60 مىلىيون دوللار.

   بېلەت كىرىمى ياخشى بولغاندىن سىرت، «پىلانىتلار ئۇرۇشى 7» نىڭ باھاسىمۇ يامان ئەمەس بولدى، نۆۋەتتىكى تاراتقۇ يېڭىلىق دەرىجىسى %95، ئەكىسچە تۈنۈگۈن يەنە بۇ فىلىم ئامېرىكا كىنو ئاكادىمىيەسىنىڭ يىللىق ئون نادىر فىلىم تىزىملىكىگە تاللاندى.