نازارەتچىلىك ئاپپاراتى تارتىۋالغان سۈرەت: جاڭ فامىلىلىك بىر كىشى رېنۋېن جيايۈەنگە بېرىپ «چارلىدى».

بۇ ئەر يەر ئاستىدىكى ماشىنا توختىتىدىغان جايدا ماشىنىغا قول سالدى.

داجۇڭ تورىنىڭ 12 – دېكابىر جىنىڭدىن بەرگەن خەۋىرى، نۇر تورى تەرجىمىسى: ئائىلىدىكى ماجرا سەۋەبلىك، ئۇنىڭ ئۈستىگە سودىدا مەغلۇب بولغانلىقى ئۈچۈن، قاتتىق ئاچچىقى كەلگەن جاڭ فامىلىلىك ئەر ياخشى ماشىنا ھەيدەيدىغان، ياخشى ئۆيدە تۇرۇدىغان «پۇلدار» لارغا قارىتا ئۆچ ئېلىش نىيىتى تۇغۇلدى، ئۇ ئالىي رايونلارغا قايتا قايتا كىرىپ چىقىپ، بېنز قاتارلىق ئېسىل ماركىلىق 80 نەچچە ماشىنىغا «قارا قول» تەگكۈزدى. 12 – ئاينىڭ 11 – كۈنى چۈشتىن بۇرۇن سائەت ئوندىن ئاشقاندا، ئىككى ئايغا يېقىن تارتىلغان سىن لېنتىسى توپلاش، يوشۇرۇن زىيارەت قىلىش ئارقىلىق ساقچى تەرەپ ئاخىرى جىنايەت گۇماندارى يەنى جاڭ فامىلىلىك كىشىنى ئۆزىنىڭ دۇكىنىدا تۇتتى. شۇنىڭ بىلەن بىر قاتار ماشىنا چېقىش دېلوسى پاش بولدى.

ئاچچىقىنى چىقىرىش ئۈچۈن «پۇلدار» لاردىن تەلۋىلەرچە ئۆچ ئېلىش.

بۇ يىل 29 ياشقا كىرگەن جوۋ فامىلىلىك بۇ كىشى بولسا ۋېنشاڭ ناھىيەسىدىكى مەلۇم بىر كەنتنىڭ كەنت ئاھالىسى، ئۇ ئاليۇمىن قېتىشمىسى پىششىقلاپ ئىشلەش ھۈنىرىنى ئۆگەنگەن، شۇنىڭ بىلەن جىنىڭغا كېلىپ ئۆزىگە تەۋە بولغان بىر ئاليۇمىن قېتىشمىسى پىششىقلاپ ئىشلەش دۇكىنى ئېچىۋالغان. گەرچە دۇكان كىچىك بولسىمۇ، بىر نەچچە يىلدىن بۇيان خېلى كۆپ پۇل تاپقان، ماشىنا سېتىۋالغان، ئۆي سېتىۋالغان. تۇرمۇشىمۇ بارغانچە ياخشىلانغان. بىراق «ئوتى بار يەرنىڭ سۈيى يوق، سۈيى بار يەنىڭ ئوتى يوق» دېگەندە ئۇنىڭ ئائىلىسىدە ماجرا قۇرىمىغان، شۇنىڭ بىلەن دۇكانغا قاراشقا رايى بارماي كۆزنى يۇمۇپ ئاچقىچە بولغان ئارىلىقتا 70 – 80 تۈمەن يۈەن زىيان تارتقان. بىر قېتىم جاڭ فامىلىلىك بۇ ئەر ماشىنا ھەيدەپ كېتىۋاتقاندا، بىر ئېسىل ماشىنا ئۇنى مەجبۇرىي يانداپ ئۆتۈپ كەتكەن، شۇنىڭ بىلەن ئۇنىڭ كاللىسىدا ئۆچ ئېلىش ئىستىكى تۇغۇلغان. ئۇ چوقۇم ئۆچ ئالىدىغانلىقى توغرىسىدا قەسەم ئىچكەن، بولۇپمۇ ئېسىل ماشىنا ھەيدەپ، ئېسىل ئۆيدە تۇرۇدىغان پۇلدارلاردىن ئۆچ ئېلىشقا نىيەت باغلىغان. 9 – ئاينىڭ 7 – كۈنى كەچقۇرۇن، ئازراق ھاراق ئىچىپ قىزىۋالغان جاڭ فامىلىلىك ئەر كېچە قاراڭغۇسىدىن پايدىلىنىپ، سۇمرۇغ قۇياش شەھەرچىسىگە كىرىپ، بىر بېنز ماشىنىنىڭ توختىتىپ قويۇلغانلىقىنى كۆرگەن، شۇنىڭ بىلەن يولدىن بىر تاش پارچىسىنى ئېلىپلا بۇ ماشىنىنى ئۇرۇشقا باشلىغان. ئارقىدىن يەنە نەچچە ئون تۈمەنلىك ماشىنىدىن نەچچىسىمۇ ئۇنىڭ قولىدا «ئامان» قالمىغان.

قارلىق كېچىدە تەلۋىلەرچە ماشىنا چېقىپ دېلو سادىر قىلىپ، ئۆز قىلمىشىغا پۇشايمان قىلىش.

11 – ئاينىڭ 28 – كۈنى يەنى 2015 – يىل تۇنجى قار ياغقان كۈنى كېچىدە، جاڭ فامىلىلىك ئەر يەنە بىر قېتىم ھاراقنىڭ كۈچى بىلەن، قارلىق كېچىدە پىيادىلەر ۋە ماشىنا ئاز بولغان پۇرسەتتىن پايدىلىنىپ، يېڭى تەنتەربىيە سارىيى ئەتراپىدىكى قاۋاقخانا كوچىسىغا كىرىپ، ئېسىل ماشىنىلارنى چاقماقچى بولغان، بىراق يولدىن تاكسى ئۆتۈپ قالغاچقا قول سالالمىغان. كېيىن يەنە رېنۋېن جيايۈەن، لوما جيارى قاتارلىق مەھەللىلەرگە كىرىپ ماشىنا چاققان. ساقچىلار سوراق داۋامىدا جاڭ فامىلىلىك ئۆز جىنايىتىنى ئەينەن ئىقرار قىلغان، ماشىنا چېقىش جەريانىدا ئۇ راسا پۇخادىن چىققان، بىراق ماشىنىنى چېقىپ بولۇپلا پۇشايمان قىلغان، ئۆزىنىڭ بايقىلىپ قېلىشىدىن قورققان، ساقچىلارنىڭ قولىغا چۈشۈپ قېلىشتىن تېخىمۇ قورققان. بىراق، ئۆچ ئېلىش خىيالى ئۇنىڭغا مەدەت بەرگەن. ماشىنىنى چېقىپلا قالماي بەلكى يەنە ماشىنا ئىچىدە نەق پۇل، يانفون، تاماكا قاتارلىق نەرسىلەرنى ئۇچرىتىپ قالسا چۆنتەككە سېلىپلا ئېلىپ ماڭغان. بۇ نەرسىلەرنى سېتىۋەتكەندىن كېيىن داۋاملىق دېلو سادىر قىلغان. مانا مۇشۇنداق قىلىپ، جاڭ فامىلىلىك ئىلگىرى كېيىن بولۇپ، 80 نەچچە ماشىنىنىڭ بېشىغا چىققان.

مەزكۇر دېلونى تەكشۈرۈشكە مەسئۇل بىر ساقچى مۇخبىرغا مۇنداق دېگەن، ئىككى ئايغا يېقىن تەكشۈرۈش داۋامىدا، نازارەتچىلىك سىن لېنتىسى ئارقىلىق جاڭ فامىلىلىكنىڭ دېلو سادىر قىلغانلىقىغا دائىر دەلىل ئىسپاتلارنى قولغا چۈشۈرگەن. جاڭ فامىلىلىك ئەر دېلو سادىر قىلغاندا نىقابلانمىغان، بىراق كامېرادىن ئۆزىنى قاچۇرغان، بىراق ئاخىرىدا يەنىلا ئۆزىنى ئاشكارىلاپ قويغان. 12 – ئاينىڭ 11 – كۈنى چۈشتىن بۇرۇن، پۇرسەت پىشىپ يېتىلگەن، نۇرغۇن ۋاقىتلاردىن بۇيان ساقچىلار ئىزدەپ كېلىۋاتقان بۇ كىشى ئاخىرى دەيجۇاڭ ئەتراپىدا غايىپ بولغان، شۇنىڭ بىلەن ساقچىلار شۇ ئەتراپقا ئادەم قويۇپ، دەيجۇاڭ ئەتراپىدا ئۇنى قولغا چۈشۈرگەن. ھازىر جاڭ فامىلىلىك بۇ ئەر ئۆز جىنايىتىنى پۈتۈنلەي ئىقرار قىلدى، ئەمدى ئۇنىڭ كۈتىدىغىنى قانۇننىڭ قاتتىق جازاسىدۇر.