ۋاڭيى تورى خەۋىرى لەگلەك تورى تەرجىمىسى

جۇڭگۇ چوڭ قۇرۇقلۇق بازىرىدا ئىزچىل بىرىنچى بولۇپ كېلىۋاتقان « سۈرئەت ۋە ھېسسىيات 7 » فىلىمى ھازىر ئاساسەن كۈنىگە ئاز دېگەندىمۇ بىر خىل رېكورت يارىتىپ كېلىۋاتىدۇ. 4-ئاينىڭ 16-كۈنى پەيشەنبە كەچ بۇ فىلىم ئەڭ تېز سۈرئەتتە بىر مىلىيارد بىلەت كىرىمى چوڭ ئۆتكىلىدىن ئۆتكەن فىلىم بۇلۇپ قالدى. 4-ئاينىڭ 19-كۈنى كەچ يەنە ئەڭ تېز سۈرئەتتە بىر مىلىيارد 500 مىلىيون چوڭ ئۆتكىلىدىن ئۆتتى.

كىنو تورىنىڭ خەۋەر قىلىشىچە « سۈرئەت ۋە ھېسسىيات 7 » فىلىمىنىڭ چوڭ قۇرۇقلۇقتىكى بېلەت كىرىمى « ئاۋاتار » فىلىمىنىڭ بىلەت كىرىمىدىن ئېشىپ كەتكەن. ئالدىنقى ھەپتە يەكشەنبە كۈنىگىچە بولغان بېلەت كىرىمى بىر مىليارد 566 مىلىيۇن بولۇپ چوڭ قۇرۇقلۇق كىنو تارىخىدا بېلەت كىرىمى قاتارىدا ئىككىنچى ئورۇنغا تىزىلغان بولۇپ پەقەت 8 كۈن ئىچىدىلا بىر مىلىيارد 500 مىلىيۇن چوڭ ئۆتكەلدىن ئۆتكەن. بۇنداق پۇل سۈمۈرۈش تېزلىكىمۇ بۇنىڭدىن بۇرۇن كۆرۈلۈپ باقمىغان. بۇ فىلىمنىڭ پۈتۈن يەر شارىدىكى بېلەت كىرىمى ئالدىنقى ھەپتە يەكشەنبە كۈنى بىر مىلىيارد 100 مىلىيۇن ئامېرىلا دوللىرىلىق چوڭ ئۆتكەلدىن ئۆتكەن بولۇپ كىنو ئىشلىگۈچى شىركەت يەر شارى كىنو شىركىتى ( Universal Picture Co. ) نىڭ تۇنجى بېلەت كىرىمى بىر مىلىيارد ئامېرىكا دوللىرىدىن ئاشقان فىلىم بولۇپ قالدى.

بۇنىڭدىن بۇرۇن « ئاۋاتار » فىلىمى بىر مىلىيارد 378 مىلىيۇن يۈەن بېلەت كىرىمى بىلەن يېقىنقى تۆت يىلدىن بۇيان چوڭ قۇرۇقلۇق كىنو بېلەت كىرىمى قاتارىنىڭ چېمپىيونلۇق ئورنىنى ساقلاپ كەلگەن بۇلۇپ 2014-يىلى 7-ئايدا « » فىلىمى تەرىپىدىن بۇ ئورۇن تارتىۋېلىنغان ئىدى. ھازىر « » فىلىمىنىڭ بىر مىلىيارد 981 مىلىيۇن يۈەن بېلەت كىرىمى تېخى باشقا كىنو تەرىپىدىن يېڭىلىنىپ باقمىدى. ئەمما مۇشۇ ھەپتە ئىچىدە بۇ رېكورت بەلكىم « سۈرئەت ۋە ھېسسىيات 7» فىلىمى تەرىپىدىن يېڭىلىنىشى مۇمكىن. ئەمما ھازىرغا قەدەر ھېچقانداق بىر دۆلەت ئىچى فىلىمىنىڭ بېلەت كىرىمى « ئاۋاتار » فىلىمىنىڭ بىر مىلىيارد 378 مىلىيۇن بېلەت كىرىمىنى بۇزۇپ باققىنى يوق.