55 ياشقا كىرگەن ياڭخۇڭ بۇ يىل 7-ئايدا، ئامېرىكىدا ئوقۇيدىغان قىزى بىلەن فرانسىيە ئاۋىياتسىيەسىنىڭ ئايروپىلانىغا ئولتۇرۇپ، پارىژدىن نيۇيورك كېننېدى ئايروپورتىغا كەلگەندە، تاموژنىغا مەلۇم قىلمىغان 160 مىڭ دوللار (1.03 مىليون يۈەن) قىممىتىدىكى نەرسە-كېرەكلىرى تەكشۈرۈلگەن. بۇ چاغدا ياڭخۇڭ تاموژنا خىزمەتچىسىگە ئۆزىنىڭ ئىسمى ۋە تېلېفون نومۇرى يېزىلغان بىر پارچە قەغەزنى سۇنۇپ، قىزىنى ئۆتكۈزۈۋەتسە، 10 مىڭ دوللار قىممىتىدىكى سائەتنى سوۋغا قىلىدىغانلىقىنى بىلدۈرگەن.

      ئارقىدىن تاموژنا خىزمەتچىسى ئىشخانىسىغا بېرىپ، ئاۋازغا ئېلىش ئۈسكۈنىسىنى ئېلىپ كەلگەن ھەمدە قەغەزنى ياڭخۇڭغا قايتۇرۇپ بەرگەن. بۇ چاغدا ياڭخۇڭ يەنە ئەگەر قىزىنى ئۆتكۈزۈۋەتسە، ئۆزىنىڭ ئۇنىڭغا ھەمراھ بولۇپ ئۇخلايدىغانلىقىنى ھەمدە جۇڭگوغا ئاپىرىپ ئوينىتىدىغانلىقىنى ئېيتىپ، ئايروپورتتىن كەتكەن، نەق مەيداندا قولغا ئېلىنمىغان. بىراق، ياڭخۇڭ ئايروپىلانغا ئولتۇرۇپ جۇڭگوغا قايتماقچى بولغاندا، ئايروپورتتا قولغا ئېلىنغان. بۇ دېلوغا 12-ئاينىڭ 7-كۈنى سوت ئېچىلىپ، ياڭخۇڭنى 250 مىڭ دوللار (1.6 مىليون يۈەن) بىلەن ۋاقىتلىق كېپىللىككە قويۇپ بېرىشكە قوشۇلغان.