فىرانسىيە ئاخبارات ئاگېنتلىقىنىڭ 14-سېنتەبىر خەۋەر قىلىشىچە ، فىلىپپىننىڭ ئوتتۇرا قىسمىدىكى لېيتې ئارىلى ئەتراپىدىكى دېڭىز تەۋەلىكىدە 13-سېنتەبىر كەچتە يۈز بەرگەن يۈك كېمىسى ئۆرۈلۈپ كېتىش ۋەقەسىدە ئاز دېگەندىمۇ ئۈچ ئادەم قازا قىلغان ، ئۈچ ئادەم يارىلانغان . فىلىپپىن دېڭىز ئارمىيەسى 14-سېنتەبىر چۈشتىن كېيىن بايانات ئېلان قىلىپ ، 110 ئادەم قۇتقۇزۇۋېلىنغانلىقىنى ئېيتقان .

ئىگىلىنىشىچە ، ۋەقەگە ئۇچرىغان ‹‹ MahathirLika-2 ›› ناملىق يۈك كېمىسى لېيتې ئارىلىنىڭ لىلوئەندىن فىلىپپىننىڭ جەنۇبىدىكى شەھەر سۇرىگاۋغا قاراپ ماڭغان بولۇپ ، 13-سېنتەبىر كەچ سائەت 19:30 دە پاناۋئەن ئەتراپىدىكى دېڭىز تەۋەلىكىگە كەلگەندە چوڭ دولقۇن ۋە جىددى ئېقىننىڭ ھۇجۇمىغا ئۇچراپ ، كېمە گەۋدىسى قىيسىيىپ قالغان . شۇ كۈنى كەچ سائەت 9:20 دە كېمە باشلىقى كېمىنى تاشلاپ قېچىپ كەتكەن . فىلىپپىن دېڭىز قىرغىقى قوغدىنىش ئەترىتى ۋە ئەتراپىدىكى كېمىلەر قۇتقۇزۇش سىگنالىنى تاپشۇرۇۋالغاندىن كېيىن دەرھال نەق مەيدانغا بېرىپ قۇتقۇزۇشقا ياردەم بەرگەن .