بارسېلونا بىلەن مادرىد كوماندىسىنىڭ مۇسابىقىسى ئاخىرلاشقان بولسىمۇ، لېكىن بۇنىڭ تەسىرى ھازىرغىچە يوقىمىدى، «ماكا گېزىتى» نىڭ خەۋىرىگە مۇسابىقە ئاياغلاشقاندىن كېيىن مادرىد ئىچكى قاتلىمىدا يىغىن ئىچىپ مۇسابىقىنى قايتا-قايتا ئانالىز قىلغاندىن كېيىن ھەر قايسى قاتلاملاردىكى كوماندىلارنى بارسېلونانى ئۈلگە قىلىپ ئۆگىنىشكە ئورۇنلاشتۇرۇشنى قارار قىلغان، نەتىجىدە مادرىد كوماندىسىنىڭ ياشلار كوماندىسىدىكى نۇرغۇنلىغان مەشقاۋۇللارنىڭ غەزىپىنى قوزغىغان.

«ماكا گېزىتى» نىڭ ئېلان قىلىنىشىچە مۇسابىقە ئاخىرلاشقاندىن خان جەمەتى مادرىد كوماندىسىنىڭ ئىچكى قىسمىدا ھەر ھەپتىدە بىر قېتىم ئېچىلىدىغان يىغىندا ئۇلار مۇسابىقىگە قارىتا ئانالىز ئېلىپ بېرىپ ئىككى تەرەپنىڭ مۇسابىقە تاكتىكىسىنىڭ ئىشلىتىلىش ئەھۋالىنى ئانالىز قىلغان ھەمدە مادرىد كوماندىسىنىڭ تېخىمۇ بىر قەدەم ياخشىلىغىلى بولىدىغان تەرەپلىرىنى كۆرسىتىپ ئۆتكەن. يىغىندا يەنە مۇنداق قارار چىقىرىلغان:«بۇ قېتىمقى مۇسابىقىدىكى بارسېلونانىڭ يۇقىرى ئېنىقلىقتىكى دىققەت قىلىشقا تېگىشلىك سىن لېنتىسىنى ھەرقايسى قاتلامدىكى كوماندىلارنىڭ مەشقاۋۇللىرىنىڭ كۆرۈپ ئۆگىنىشىگە بېرىپ، ئۆزلىرىنىڭ ھېس قىلغانلىرىنى باشقا كىچىك ماھىرلارغا يەتكۈزۈش».

بۇ قارارنى تاپشۇرۇۋالغاندىن كېيىن كۆپ ساندىكى مەشقاۋۇللار قاتتىق غەزەپلەنگەن، چۈنكى ئۇلارنىڭ قارىشىچە مادرىد كوماندىسىنىڭ ھەرقايسى قاتلاملىرىدىكى كوماندا ئەزالىرى خان جەمەتى مادرىد كوماندىسىنىڭ مۇسابىقە ئۇسلۇبىنى ئۆگىنىشى كېرەك ئىكەن، ھەرگىزمۇ بارسېلونانىڭ سىن لېنتىسىنى كۆرۈشى كېرەك ئەمەس ئىكەن.

«ماكا گېزىتى» بۇ خەۋەرنى ئېلان قىلغاندىن كىيىن تورداشلارنىڭ ئىنكاسى ئۆزگىچە بولغان.

1- ئالىي مەكتەپنىڭ دەرسلىك كىتابىنى باشلانغۇچ مەكتەپ ئوقۇغۇچىلىرىغا كۆرگىن دەپ بەرسە ئۇلار چۈشىنەلەمدۇ؟

2- ئەگەر مادرىد كوماندىسىنىڭ ياشلار كوماندىسى، ئۆسمۈرلەر كوماندىسىدىكى ئەزالار لېنتىنى كۆرگەندىن كىيىن بارسېلوناغا بېرىش نىيىتىگە كېلىپ قالسا قانداق قىلغۇلۇق؟

3- كەمتەرلىك بىلەن ئۆگەنگەندە ئاندىن ئالغا باسقىلى بولىدۇ.

4- ئۆزىنىمۇ، ئۆزگىنىمۇ بىلگەندە ئاندىن غەلىبە قازانغىلى بولىدۇ.