ھەر يىلى ياز پەسلى كېلىشى بىلەن، باغراش كۆلى بويىدىكى 600 مىڭ كۆلەمدىكى قومۇشلۇق تىنچ كۆل سۈيىنى ئوراپ تۇرىدۇ، ھەر خىل سۇ قۇشلىرى قومۇشلۇق ۋە كۆل يۈزىدە ئەركىن پەرۋاز قىلىپ، گاھ قانات قېقىپ بوشلۇققا كۆتۈرۈلسە، گاھ پەسكە شۇڭغۇپ قومۇش يوپۇرماقلىرىنىڭ ئۇچىغا قونىشىۋالىدۇ، كەڭ تەبىئەت قوينىغا تىنماي ئۆزىنى ئېتىپ بىر-بىرىنى قوغلىشىپ قومۇشلۇققا مۆكۈنگەن سۇ قۇشلىرى، تۇيۇقسىزلا قومۇشلۇقتىن شۇڭغۇپ چىقىپ كۆككە پەرۋاز قىلىپ، جىمجىتلىققا تولغان قومۇشلۇققا ھاياتىي كۈچ قوشىدۇ.
كىچىك كېمىگە ئولتۇرۇپ ئىككى تەرىپى قومۇش بىلەن ئورالغان كۆلدە كېتىۋاتقىنىڭىزدا، زۇمرەتتەك سۇ تامچىلىرى ئۈستىڭىزگە چۈشىدۇ، شەپىدىن ھۈركىگەن سۇ قۇشلىرى يېقىملىق ۋىچىرلىشىپ ئۆزلىرىنى دالدىغا ئالىدۇ. كۆپكۆك ئاسمانغا يۈز يېقىشىپ كۆلدە چايقىلىپ تۇرغان قومۇشلار كۆز ئالدىڭىزدا سۈرەتتەك كارتىنىنى ئەكىس ئەتتۈرىدۇ.