لەگلەك تورى خەۋىرى: 4-ئاينىڭ 18،19-كۈنى،شىنجاڭ خېجىڭ ناھىيەسى مىۋە-چېۋە،سەي-كۆكتات ئىشلەپچىقىرىش بازىسىدىكى بۆلجۈرگەن پارنىكى باشقىچە قىزىپ كەتكەنىدى. يېڭى سورتلۇق«ساپ سۈتلۈك بۆلجۈرگەن» ساياھەتچىلەرنىڭ دىققىتىنى تارتتى.
خېجىڭ ناھىيەسى فىڭرۈي مىۋە-چىۋە،سەي-كۆكتات ئىشلەپچىقىرىش ئۈلگە كۆرسىتىش بازىسىغا كىرىپ كەلگەندە، پاكىز ۋە تاتلىق بۆلجۈرگەننىڭ مەززىلىك پۇرىقى دىماغقا ئۇرۇلاتتى. ئەتىيازنىڭ ھەپتىنىڭ ئاخىرى شىنجاڭنىڭ ھەر قايسى جايلىرىدىن كەلگەن ساياھەتچىلەر پارنىكقا كىرىپ، يېڭى بۆلجۈرگەننى ئۆز قولى بىلەن ئۈزەتتى. ساياھەتچىلەر«بىز لوپنۇر ناھىيەسىدىن كەلدۇق، باللىرىمىزنى تەبىئەت بىلەن كۆپرەك ئۇچراشتۇرغىلى كەلدۇق.بۇنىڭ ھەممىسىنى ئۇ ئۈزدى، بىز بۇ يەرنىڭ داڭقىنى ئاڭلاپ كەلدۇق، يېڭى سۈتلۈك بۆلجۈرگەن ھەم چوڭ ھەم يېڭى قىپقىزىل يېيىشلىك ئىكەن »« بىز كورلىدىن كەلدۇق، تۇنجى قېتىم كىلشىمىز، ھەپتە ئاخىرىنى خوشال-خورام ئۆتكۈزگىلى كەلدۇق» دېيىشەتتى.
پارنىكقا كىرىپ پىشقان بۆلجۈرگەننى كۆرگەندە ھەر قانداق ئادەمنىڭ ئۈزگۈسى كىلىدۇ. ئۈزۈپ تېتىپ باققاندا بۇ يەردىكى بۆلجۈرگەننىڭ تاتلىق بولۇپلا قالماي، يەنە سۈتنىڭ پۇرىقى بارلىقنى بايقىغىلى بولىدۇ.ساياھەتچىلەر داڭقىنى ئاڭلاپ كەلگىنى بولسا بۇ يەرنىڭ « يېڭى سۈتلۈك بۆلجۈرگەن».. ئۇنداقتا بۇ خىل سۈت تەمى بار بۆلجۈرگەن بىلەن كالا سۈتىنىڭ قانداق ئالاقىسى بار؟مۇخبىر پارنىك سىرتىدىكى بوش يەردە نۇرغۇن يەشىكتىكى كالا سۈتى تاغدەك دۆۋلىنىپ كەتكەنلىكىنى كۆردى. «سۈتلۈك بۆلجۈرگەن» تېرىغان سۇ ۋىنفېڭ بىزگە بۇنىڭ سىرىنى ئېيتىپ بەردى.ئەسلىدە بۇنىڭ ھەممىسى ۋاقتى ئۆتۈپ كەتكەن كالا سۈتى بولۇپ، گەرچە ئىشلىتىش قىممىتى بولمىسىمۇ، ئۇ بىر ياخشى ئوغۇت.بۇ سۈتنى ئاچقاندىن كىيىن تامچىلىتىپ سۇغىرىش شەكلىدە يەرگە ئوغۇت ئورنىدا ئىشلىتىمىز.ئاساسەن ھەممىسى ۋاقتى ئۆتۈپ كەتكەن كالا سۈتى.سۈتلۈك بۆلجۈرگەننى ئادەتتىكى بۆلجۈرگەنگە قارىغاندا ئوزاقراق ساقلىغىلى بولىدۇ. بىر پارنىكتىن يىگىرمە-ئوتتۇز مىڭ كىرىم قىلغىلى بولىدۇ.»