يەر شارى خەۋەر تورى 7-ماي خەۋىرى؛ لەگلەك تورى تەرجىمىسى: ئىراقنىڭ ئەنبار ، سالاھۇددىن ۋە مۇسۇل رايۇنلىرىدا تېرور تەشكىلاتى ئىراق ۋە شام ئىسلام دۆلىتى «ISIS» تەشكىلاتىغا قارىتا ئېلىپ بېرىلغان ھەرىكەتلەردە 73 نەپەر ISIS قۇراللىقى ئۆلتۈرۈلدى. ئەنبار ھەرىكەت قىسمى قۇماندانى گېنىرال مۇھەممەد خەلەف مۇخبىرغا قىلغان سۆزىدە، ئامېرىكا باشچىلىقىدىكى خەلقئارا ئىتتىپاق قىسىملىرىنىڭ ئەنبارنىڭ خالىدىيە رايۇنىغا قاراشلىق يېزىلاردا ISIS تەشكىلاتىغا ئائىت 5 نىشانغا ھاۋادىن زەربە بەرگەنلىكى، بۇ ھۇجۇملاردا 29 نەپەر قۇراللىقنىڭ ئۆلتۈرۈلگەنلىكىنى ئېيتتى. سالاھۇددىن ۋىلايىتىدىكى بىخەتەرلىك قىسىملىرىنىڭ ئېيتىشىچە، تىكرىت رايۇنىغا قاراشلىق بەيجى بازىرىدا بىخەتەرلىك قىسىملىرى بىلەن ISIS قۇراللىقلىرى ئارىىسدا يۈز بەرگەن توقۇنۇشلاردا 17 قۇراللىق ئۆلتۈرۈلگەن، بەيجى نېفىت مەيدانىغا يېقىن جايدا يۈز بەرگەن توقۇنۇشتا 5 قۇراللىق ئۆلتۈرلگەن. ئۆزىنى قۇشۇپ پارتىلىتىش ئۈچۈن بومبا قاچىلانغان بىر ماشىنا ۋەيران قىلىنغان.
ISIS قۇراللىقلىرى تىكرىت بىلەن بەيجى ئارىسىدىكى سىينىييە رايۇنىدىكى تەكشۈرۈش پونكىتىغا ھۇجۇم قىلىپ ، بىخەتەرلىك قىسىملىرى قارشىلىق كۆرسەتكەن، نەتىجىدە 12 نەپەر قۇراللىق ھاياتىدىن ئايرىلغان. مۇسۇلنىڭ ساراي رايۇنىدا ISIS قۇراللىقلىرى قارارگاھ قىلىپ ئىشلەتكەن بىر ئۆيدە بومبا پارتىلاپ نەتىجىدە 10 قۇراللىق ھاياتىدىن ئايرىلغان. يېقىندا ئەنبار ۋىلايىتى پارلامېنت ئەزاسى فەرھان مۇھەممەد، ISIS تەشكىلاتنىڭ ئەنبارغا قاراشلىق ئەل-بەغدادى رايۇنى ۋە ھادىسە بازىرىغا ھۇجۇم قىلىش ئۈچۈن ئىراقنىڭ سۇرىيە چېگرىسىدىكى ئەل-قائىم مەھەللىسىدە توپلىشىشقا باشلىغانلىقىنى ئېيتقان ئىدى.