چەتئەل تاراتقۇلىرىنىڭ خەۋەر قىلىشىچە، ئامىرىكىنىڭ لوۋا شىتاتىدىكى بىر ئەر لاتارىيە بېلىتى سېتىۋېلىپ 100 مىڭ ئامېرىكا دوللىرى مۇكاپاتى چىققان، بۇ ئەسلىدە بىر خوشاللىق ئىش ئىدى، بىراق ئويلىمىغان يەردىن ساختا ئىسپات بىلەن مۇكاپات ئالغان ھەمدە لاتارىيە بېلىتى سېتىۋېلىش يېشىغا توشمىغان دەپ پاش قىلىنغان. ھازىر مۇناسىۋەتلىك تارماقلار بۇ زور مۇكاپاتنى قايتۇرىۋېلىپلا قالماي يەنە ئۇنىڭ ئۈستىدىن ئەرز قىلغان.خەۋەر قىلىنىشىچە، بۇ يىل 7 – ئايدا 20 ياشلىق (Jobie Boals-Watters)  ۋولتىرس قانۇنسىز سېتىۋېلىپ مۇكاپات چىققان بىر پارچە لاتارىيە بېلىتى بىلەن مۇكاپاتنى ئالغان، ئۇ قانۇن بېكىتكەن 21 ياش لاتارىيە بېلىتى سېتىۋېلىش يېشىغا توشمىغانلىقتىن، قۇرامىغا يەتمىگەنلەر قىمار ئويناش جىنايىتى بىلەن ئەيىبلەنگەن.

     ۋولتىرس مۇكاپاتنى ئالغاندا لاتارىيە تارقاتقان بانكىغا، مۇكاپات چىققان لاتارىيەنى خىزمەتدېشىم ياردەملىشىپ ئېلىپ بەرگەن دېگەن، باشقىلارنىڭ ۋاكالىتەن سېتىۋېلىش شەكلى لوۋا شتاتىنىڭ قانۇنىغا ئۇيغۇن بولغاچقا ئۇ باج تاپشۇرۇپ بولغاندىن كېيىنكى 70 مىڭ ئامېرىكا دوللىرىنى ئوڭۇشلۇق ئالغان.

     كېيىن ۋولتىرسنىڭ مۇكاپات ئالغاندىكى رەسىمى تورغا چىقىرىلغاندىن كېيىن باشقىلار ئۇنى پاش قىلغان، لاتارىيە بېلىتىنى باشقۇرۇش تارمىقى  پاش قىلىش مەزمۇنىنىڭ راستلىقىنى بايقىغاندىن كېيىن مۇكاپاتنى قايتۇرىۋېلماقچى بولغان.

     لوۋا شىتاتى لاتارىيە سېتىش ئىدارىسىنىڭ باياناتچىسى: دۇكاندىكى سىنكۆزدە ۋولتىرس ھەقىقەتەن ئۆزى بېرىپ لاتارىيە سېتىۋالغان، شۇڭلاشقا بۇ قېتىمقى مۇكاپات بىكار قىلىندى، ئۇنىڭ قىلمىشى لوۋا شتاتىنىڭ جىنايى ئىشلار قانۇن – نىزامىغا خىلاپ دېدى.

ئىگىلىنىشىچە، ۋولتىرس لاتارىيە سېتىۋالغاندا دۇكاندارغا 21 ياشقا كىرىپ بولدۇم دەپ يالغان سۆزلىگەن.

    لاتارىيە بېلىتى ساتقان دۇكانمۇ جازالانغان، چۈنكى خوجايىن بەلگىلىمىگە خىلاپلىق قىلىپ لاتارىيە سېتىۋالغۇچىنىڭ ئۈنۈملۈك كىملىكىنى تەكشۈرمىگەن.