تەتقىقاتلاردىن مەلۇم بولۇشىچە، ھامىلىدار بولۇشتىن ئىلگىرى ‹‹ئەخلەت يېمەكلىك››لەرنى كۆپ يېگەن ئاياللارنىڭ بالدۇر يەڭگىش ئېھتىماللىقى يۇقىرى بولىدىكەن.
ئاياللارنىڭ ھامىلىدار بولۇشتىن ئىلگىرىكى يېمەكلىك ئادىتىنىڭ ھامىلىدارلىق مەزگىلىگە كۆرسىتىدىغان تەسىرىنى بىلىش ئۈچۈن، تەتقىقاتچىلار 300 نەچچە ئايالنىڭ يېمەكلىك ئەندىزىسىگە قارىتا تەكشۈرۈش ئېلىپ بارغان. نەتىجىدە ھامىلىدار بولۇشتىن ئىلگىرى دائىم يۇقىرى ئاقسىللىق يېمەكلىكلەرنى، مەسىلەن: ئورۇق گۆش، بېلىق، توخۇ گۆشى، مېۋە – چىۋە، دانلىق زىرائەت ۋە كۆكتات قاتارلىقلارنى يېگەن ئاياللارنىڭ بالدۇر يەڭگىش ئېھتىماللىقىنىڭ تۆۋەن بولىدىغانلىقى، ھامىلىدار بولۇشتىن ئىلگىرى دائىم ياغ، قەنت تەركىبى يۇقىرى يېمەكلىكلەرنى، شۇنداقلا ئەخلەت يېمەكلىكلەرنى يېگەن ئاياللارنىڭ بالدۇر يەڭگىش ئېھتىماللىقىنىڭ %50 يۇقىرى بولىدىغانلىقى بايقالغان.