ياش-قۇرامىغا يەتمىگەن قىزلارجىنايەت ئۆتكۈزۈشنىڭ ۋاستىسى بولىدۇ ، ئۆزىنى قوغداشتىمۇ ماھارەت بولىدۇ ، بۇ ماقالە سىزنى17 خىل ئۆزىنى قوغداش ماھارىتى بىلەن تەمىنلەيدۇ . قىزلار بۇلارنى ئېسىدە چىڭ ساقلايدىغان بولسا ، ھېچكىممۇ ئۇلارغا قارىتا ئاساسسىز خىياللاردا بولۇشقا جۈرئەت قىلالمايدۇ .

1. بالدۇر مۇھەببەتلەشمەڭ . بولۇپمۇ مەكتەپ سىرتىدىكى ئوغۇللار بىلەن قۇيۇق باردى-كەلدى قىلماڭ . بالدۇر مۇھەببەتلىشىش كۆپ ھاللاردا ئىپپىتىنى يوقىتىش ، ھەتتا جىنايەت ئۆتكۈزۈشنىڭ << مۇقەددىمىسى >> بولۇپ قالىدۇ . مەيلى ئۆگىنىش ياكى ئۆزىنىڭ بىخەتەرلىكىدىن ئېلىپ ئېيتقاندا ، بالدۇر مۇھەببەتلىشىشىنىڭ ھەممىسى ئاقىلانىلىك ئەمەس .

2. ئۆزىنى تۇتۇۋالالمايدىغان شاللاق قىزلار ياكى ئاياللار بىلەن باردى - كەلدى قىلماڭ . بولمىسا سىز ئۇلارنىڭ سەلبى تەسىرىگە ئۇچراپ ، ئەسكى يولغا مېڭىپ قالىسىز ياكى جىنايەتچى ئۇنسۇرلارنىڭ زىيانكەشلىكىگە ئۇچرايسىز .

3. ئىشقى-مۇھەببەت كىتاب-ژۇرناللىرىنى قولدىن - قولغا ئۆتكۈزۈپ كۆرمەڭ . ئوغۇللار بىلەن بىرلىكتە شەھۋانىيلىق تەسۋىرلەنگەن سىنئالغۇ فىلىملىرىنى كۆرمەڭ ياكى شەھۋانى لەتىپىلەرنى ، قىزىقارلىق سۆزلەرنى قىلىشماڭ .

4. ساۋاقداشلىرىڭزنىڭ ياكى قىز دوستىڭىزنىڭ ئۆيىگە ئولتۇرۇشقا بارغاندا ، ھاراق ئىچمەڭ ، بولۇپمۇ قىز دوستىڭىزنىڭ ئاكا-ئىنىسى بىلەن چاقچاقلىشىپ ئولتۇرماڭ . ئەڭ ياخشىسى ياش-قۇرامىغا يەتكەن ئەرلەر بار قىز دوستىڭىزنىڭ ئۆيىدە قونۇپ قالماڭ .

5. ئۆزىڭىز يالغۇز ئەر مۇئەللىملەرنىڭ ئۆيىگە ، بويتاقلارنىڭ ئۆيىگە ياكى ياتىقىغا ، ئىشخانىسىغا كىرمەڭ . بولمىسا ئۆزىڭىزگىمۇ ۋە باشقىلارغىمۇ ئاۋارىچىلىق تېپىۋالسىز .

6. ئىمكانىيەتنىڭ بارىچە ئۆزىڭىز يالغۇز كېچىدە سىرتتا ھەرىكەت قىلماڭ . كېچىسى كىچىك سىڭىللىرىڭىز بولغان تەقدىردىمۇ ، ئادەم شالاڭ ، جىمجىت بولغان خالتا كوچىلاردا ياكى دالدىدىكى كىچىك يوللاردا ماڭماڭ . تونۇشىىدىغان ئەر كىشى بىلەن ماڭغاندا ئەگەر ئۇنىڭ تاپتىن چىققان سۆز-ھەرىكەتلىرىنى بايقىغان ھامان دەرھال ئەيىبلەڭ ھەم ئۇنىڭدىن يىراق كېتىڭ .

7. تونۇمايدىغان ئەر كىشىدىن يول سورىماڭ ھەم ئۇنىڭغا ئەگىشىپ ماڭماڭ . تونۇمايدىغان كىشى يول سورىسىمۇ ئۇنىڭغا يول باشلاپ ماڭماڭ .

8. ئۆزىڭىز يالغۇز ئۆيدە قالغاندا ئالدىراپ ئىشىك ئاچماڭ ، بولۇپمۇ كەچتە مەيلى تونۇيدىغان ئادەم بولسۇن ياكى قوشنىڭىز بولسۇن ، قارشى تەرەپكە ئىش بولسا ئاتا - ئانىڭىز كەلگەندە ئېيتىشى لازىملىقىنى ئۇقتۇرۇڭ .

9. سەۋەنلىك ئۆتكۈزگەن ئەرلەرگە ئۇچراپ قالغان چېغىڭىزدا ، ھەرگىزمۇ << ئۆزئارا پۈتۈشۈپ >> لا ئىشنى بولدى قىلماڭ .

10. بەك قىزغىن بولۇپ كەتكەن ئەرلەردىن ھۇشيار بولۇڭ ، ئۇنىڭ شېرىن -شىكەر سۆزلىرىنى ئاڭلاپ قايمۇقۇپ قالماڭ . ئۇنىڭ ئورنىنىڭ يۇقىرىلىقى ، يېشىنىڭ چوڭلۇقى ياكى باشلىق ئىكەنلىكى بىلەن كارىڭىز بولمىسۇن .

11. مۇئەللىمنىڭ ئۆيىگە بارغاندا ، ئەر مۇئەللىمنڭ ئۆزى يالغۇز ئىكەنلىكىنى بايقىغان ھامان ھۇشيار بولۇڭ . يىنىكلىك بىلەن ھەمداستىخان بولماڭ ھەمدە دەرھال قايتىڭ .

12. ئائىلىڭىزدە بېقىۋالغان دادىڭىز ، ئۆگەي دادىڭىز ئەدەبسىزلىك قىلماقچى بولسا ، ئالدى بىلەن ئانىڭىزغا ئېيتىڭ ، ئەگەر ئانىڭىزنىڭ ھېچقانداق ئامالى بولمىسا ، جامائەت خەۋپسىزلىك ئورگانلىرىغا ئەرز قىلىڭ .

13. ئەر - خوتۇنلارنىڭ ئېغىز-بۇرۇن يالىشىپ يۈرگەنلىكىنى بايقىغاندا ، ئۇلارنىڭ سىزگە زورلۇق قىلىشىنىڭ ئالدىنى ئېلىش ئۈچۈن دەرھال ئۆزىڭىزنى چەتكە ئېلىڭ .

14. ئاتا-ئانىڭىزنىڭ سىزنى داخان ، پېرىخۇن ياكى تېۋىپلارنىڭ خالىي مۇھىتتا << داۋالاپ قويۇشى >> غا ئىمكانىيەت يارىتىپ بېرىشىگە ئىتائەت بىلەن بويسۇنۇپ تۇرماڭ .

15. ياز كۈنلىرى ئاممىۋى سورۇنلارغا بارغاندا ياكى ئەر كىشىلەر بار خالىي مۇھىتتا ياكى كېچىسى يول مېڭىشقا توغرا كەلگەندە ، ئەڭ ياخشىسى بەدىنىڭىز ئېچىلىپ تۇرىدىغان كىيىملەرنى كەيمەڭ .

16. تونۇمايدىغان ئەر كىشىنىڭ ئاپتوموبىلىغا چىقىۋالماڭ .

17. ئاممىۋى ئاپتوبۇستا لۈكچەكلەرنىڭ ئەدەبسىزلىك قىلماقچى بولغانلىقىنى بايقىغاندا ، ئامال قىلىپ ئۆزىڭىزنى چەتكە ئېلىڭ .