جاھان ئاگېنتلىقى 13-ماي خەۋىرى؛ لەگلەك تورى تەرجىمىسى: كۇبا دۆلەت رەھبىرى رائۇل كاسترو، 29-مايدىن كېيىن ئامېرىكىدا باش ئەلچى تەيىنلەيدىغانلىقىنى ئېلان قىلدى. رائۇل كاسترو، فرانسىيە پرېزىدېنتى فرانچوس ھوللاندىنىڭ كۇبا زىيارىتى ئەسناسىدا بايانات ئېلان قىلىپ، كۇبا بىلەن ئامېرىكا ئارىسىدىكى مۇناسىۋەتلەرنىڭ يېڭىدىن شەكىللىنىشى ئۈچۈن تىرىشچانلىق كۆرسىتىۋاتقانلىقىنى، 29-مايدىن باشلاپ ئامېرىكىغا باش ئەلچى ئەۋەتىدىغانلىقىنى ئېيتتى. كاسترو، ئامېرىكىغا باش ئەلچى ئەۋەتكەندىن كېيىن ئىككى دۆلەت ئارىسىدا دىپلوماتىيە مۇناسىۋەتلىرىنىڭ يېڭىدىن باشلىنىدىغانلىقىنى، ئەمما ئالاقىلەرنىڭ نورماللىشىشىنىڭ باشقا بىر تىما ئىكەنلىكىنى تىلغا ئالدى. رائۇل كاسترو، «ئىككى دۆلەت ئارىسىدىكى مۇناسىۋەت نورماللىشىشى ئۈچۈن ئۈچۈن ئىمبارگو بىكار قىلىنىشى كىرەك، ۋە گۇۋەنتانامودىكى ھەربىي بازا قايتۇرۇلۇشى كىرەك» دېدى.
كاسترو، ياۋرۇپا ئىتتىپاقى بىلەن كۇبا ئارىسىدىكى مۇناسىۋەتلەر ھەققىدە سۆز قىلىپ، ھەر قايسى تەرەپلەر ئارىسىدىكى سۆھبەتكە ئالاقىدار ئىيۇندا بىريۇسسېلدا يىغىن ئۆتكۈزىدىغانلىقىنى ئېيتتى، كاسترو، ياۋرۇپا ئىتتىپاقى دۆلەتلىرى ئارىسىدا پىكىر بىرلىكى يوقلىقىنى، ئەمما بۇ ئەھۋالنىڭ ياخشىلىنىشىنى ئۈمىد قىلىدىغانلىقىنى ئېيتتى. ئاق سارايدىن 14-ماي ئېلان قىلىنغان باياناتتا، ئامېرىكا پرېزىدېنتى باراك ئوبامانىڭ ئامېرىكا پارلامېنتىغا كۇبانى تېرورغا ياردەم بەرگەن دۆلەتلەر تىزىملىكىدىن چىقىرۋېتىشقا ئالاقىدار سۇنغان دوكلاتى ۋە تەستىق يازمىسىنى ئەۋەتكەنلىكى بىلدۈرۈلگەن ئىدى. بۇ قارارنىڭ ئىجرا قىلىنىشى ئۈچۈن 45 كۈن ۋاقىت كېتىدىكەن.