ئامېرىكا «دۇنيا گېىزىتى»نىڭ خەۋىرىگە قارىغاندا، جۇڭگولۇق ئوقۇغۇچىلارنىڭ ئامېرىكىغا چىقىپ ئوقۇش دولقۇنى داۋاملىق يۇقىرى كۆتۈرۈلگەن. كۆپ ساندىكى ئامېرىكىلىق ياش تېخىچە ئۆي ئىجارە ھەققى تاپشۇرۇش غېمىدە يۈرگەندە، ئەقىللىق جۇڭگولۇق ئاتا-ئانىلار ئامېرىكىدا ئوقۇۋاتقان پەرزەنتلىرىنىڭ ئۆي سېتىۋىلىشى، ئۆي ئىجارە ئالغانغا قارىغاندا پايدا بولىدىغانلىقىنى بايقىغان، بۇنىڭلىق بىلەن كۆپلىگەن ئامېرىكىدا ئوقۇۋاتقان جۇڭگولۇق ئوقۇغۇچىلار ئۆي ئىجارە ئېلىشتىن ئۆي سېتىۋىلىشقا قاراپ يۈزلىنىپ، ئامېرىكىنىڭ ئۆي سېتىۋىلىش بازىرىدا داۋالغۇش بولۇشىغا سەۋەبچى بولغان.

　　ماسسا چۇستېش شىتاتى ئامېرىدىكى ئالىي مەكتەپ ئەڭ كۆپ شىتات. چەتئەلدىن ۋە ئامېرىكىنىڭ ھەرقايسى جايلىرىدىن بۇ يەرگە كېلىپ ئوقۇيدىغان ئوقۇغۇچىلارنىڭ سانى يىلدىن-يىلغا كۆپەيمەكتە، بۇنىڭغا ئەگىشىپ ئوقۇش پۇلىمۇ يۇقىرى ئۆرلىمەكتە. ئوقۇغۇچىلارنىڭ كۆپىيىشى بىلەن تۇرالغۇ ئۆيگە بولغان ئېھتىياجمۇ ئاشماقتا، ئۆي-مۈلۈك تىجارىتىمۇ ماس قەدەمدە گۈللەنمەكتە. بوستون شەھەرىدە بالىلىرىنى ئوقۇتۇشقا قۇربى يەتكەن ئائىلىلەرنىڭ كىرىمى ئادەتتە تۆۋەن بولمايدۇ، بوستوندا ئۆي سېتىۋىلىشقىمۇ قۇربى يېتىدۇ. مەسىلەن ئاستون ۋە براندون رايونلىرىدا 300مىڭ ئامېرىكا دوللىرىغا(تەخمىنەن 1مىليون 900مىڭ خەلق پۇلى) بىنادىن ئۆي سېتىۋالغىلى بولىدۇ. بوستوندا ئۆي سېتىۋالغاندا سېلىنمىنىڭ قايتىپ كېلىش نىسبىتى يۇقىرى، ئىجارە ھەققى ئارقىلىق سېلىنمىنىڭ قايتىپ كېلىش نىسبىتى بىنالىق ئۆيلەرنىڭ %4.5-%5 كىچە، زېمىن ئۆيلەرنىڭ %9-%10 كىچە بولىدۇ.