ئاۋستىرالىيە زۇڭلىسى تونىي ئابوت 4-يانۋار ئىراقنىڭ پايتەختى باغدادتا تۇيۇقسىز زىيارەتتە بولۇپ، ئىراقنى 5 مىليون دوللارلىق ياردەم مەبلىغى بىلەن تەمىنلەش توغرىسىدا ۋەدە بەرگەن ھەمدە ئىراق زۇڭلىسى ھەيدەر ئاباد بىلەن ئىككى دۆلەتنىڭ ھەربىي ئىشلار ھەمكارلىقى توغرىسىدا مۇزاكىرە ئېلىپ بارغان.تونىي ئابوت 5-يانۋار ئاۋستىرالىيە خان جەمەتى ھاۋا ئارمىيە ئەسكەرلىرى ئىراقتا تەسىس قىلغان باش ئىشتابتا ئەسكەرلەر بىلەن سۆھبەت ئۆتكۈزگەن.

خەۋەر قىلىنىشىچە، ئاۋستىرالىيە زۇڭلىسى تونىي ئابوت ئىراقنى 5 مىليون دوللارلىق ياردەم مەبلىغى بىلەن تەمىنلەشتىن سىرت يەنە، ئىراقنىڭ دۆلەت ئىچىدىكى «ئىسلام دۆلىتى» قوراللىق ئۇنسۇرلىرىغا زەربەر بېرىشىگە ياردەم بېرىدىغانلىقىنى ئېيتقان.

نۆۋەتتە ، ئاۋستىرالىيەنىڭ 200 نەپەر ئالاھىدە ئەسكىرى ئىراقتا بۇيرۇق كۈتۈپ تۇرغان بولۇپ ، ئاۋستىرالىيەنىڭ كۈرەشچى ئايروپىلانلىرى داۋاملىق تۈردە ئىراقنىڭ شىمالىدىكى «ئىسلام دۆلىتى» قوراللىق ئۇنسۇرلىرىغا زەربە بېرىپ كەلگەن . بۇلتۇر 6-ئايدىن بۇيان ئاۋستىرالىيە ئىراقنى 22 مىليون دوللارلىق ئىنسانپەرۋەرلىك ياردىمى بىلەن تەمىنلىگەن.