سىنا تورى خەۋرى، لەگلەك تورى تەرجىمىسى:

جۇڭشىن تورى 5-ئاينىڭ 3-كۈنى تېلىگىراممىسى: چاۋشيەن تاراتقۇلىرىنىڭ 3-مايدىكى خەۋىرگە ئاساسلانغاندا، چاۋشيەن ئەمگەك پارتىيەسى بىرىنچى شۇجىسى، دۆلەت مۇداپىئە كومىتېتى بىرىنچى باشلىقى، خەلق ئارمىيەسى ئالىي قوماندانى كىم جوڭئىن يېڭى قۇرۇلغان دۆلەت ئالەم ئىچىش ئىدارىسى سۈنئىي ھەمراھ تىزگىنلەش قوماندانلىق ئىشتابىنى كۆزدىن كەچۈردى.كىم جوڭئىن مۇنۇلارنى تەكىتلىدى: تىنچلىق بىلەن ئالەم ئېچىش چاۋشيەن پارتىيەسى ۋە خەلقى تاللىغان يول. ھەمدە چاۋشيەننىڭ قانۇنلۇق ھوقۇقى.چاۋشيەن سۈنئىي ھەمراھلىرى ‫‫‫‏پارتىيە مەركىزىي كومىتېتى قارار قىلغان ئورۇندا ۋە ۋاقىتتا ئالەم بوشلۇقىغا قاراپ ئۇچىدۇ.

خەۋەردە دېيىشىچە ،چاۋشيەن ئەمگەك پارتىيەسىنىڭ خاتىرە كەشپىياتى ــــــ دۆلەت ئالەم ئىچىش ئىدارىسى سۈنئىي ھەمراھ تىزگىنلەش ئۇنىۋېرسال قوماندانلىق ئىشتابىنىڭ قۇرۇلۇشى بۇلۇپ، دۆلەتنىڭ پەن-تېخنىكا ۋە ئىقتىسادى تەرەققىيات ھەمدە دۆلەت مۇداپىئەسى ئۈچۈن مۇۋەپپەقىيەتلىك ھالدا قوللىنىشچان ئەمەلىي سۈنئىي ھەمراھنى قۇيۇپ بېرىش ئۈچۈن مۇستەھكەم ئۇل بىلەن تەمىنلىگەن .

كىم جوڭئىن مۇنۇلارنى كۆرسەتتى:قوللىنىشچان سۈنئىي ھەمراھنى ياساش، قۇيۇپ بىرىش، تىزگىنلەشلەشنى مۇۋەپپەقىيەتلىك ئېلىپ بېرىش ئۈچۈن، تېخىمۇ يۇقىرى سەۋىيەدە بارلىق ئەسلىھەلەرنىڭ پەن-تىخنىكىلىشىشىنى، زامانۋىلىشىشىنى ئەمەلگە ئاشۇرۇش بىلەن بىرگە ئالەم ئاچقۇچىلارنى قەدىرلەش، ئۇلارنىڭ خىزمەت ۋە تۇرمۇشىغا كۆڭۈل بۆلۈش لازىم.سۈنئىي ھەمراھ تىزگىنلەش ئۇنىۋېرسال قوماندانلىق ئىشتابىغا ئەڭ يېڭى ئەسلىھەلەرنى ئورۇنلاشتۇرۇش، ئالەم بوشلۇقى مۇھىتى ئىچىدە سۈنئىي ھەمراھ تەجرىبە ئىلىپ بارغانغا تەقلىدى قىلىپ ئالەم بوشلۇقى مۇھىتى تەجرىبە بازىسى قۇرۇش، ھەمدە سىمۋوللۇق بەلگە ياساپ ، بۇ يەرنىڭ سۈنئىي ھەمراھ تىزگىنلەش ئەسلىھەسى ئىكەنلىكىنى كىشىلەرگە بىۋاسىتە بىلدۈرۈش لازىم.سۈنئىي ھەمراھ تىزگىنلەش ئۇنىۋېرسال قوماندانلىق ئىشتابى دېڭىز يۈزىدىن ئانچە ئېگىز ئەمەس، ئەمما بۇ يەردە چاۋشيەن مىللىتىنىڭ قەدىر-قىممىتى توپلانغان. « دۇنيادىكى ئەڭ ئېگىز جاي» دېيىشكە بولىدۇ.

كىم جوڭئىن مۇنۇلارنى تەكىتلىدى: چاۋشيەن ئۆزىنىڭ كۈچىگە ۋە پەن-تېخنىكىغا تايىنىپ،سۈنئىي ھەمراھ ياساش ۋە قويۇپ بەرگۈچى دۆلەت قاتارىدىن ئورۇن ئالدى.تىنچلىق بىلەن ئالەم ئېچىش چاۋشيەن پارتىيەسى ۋە خەلقى تاللىغان يول. ھەمدە چاۋشيەننىڭ قانۇنلۇق ھوقۇقى.چاۋشيەننىڭ يەر شارى سۈنئىي ھەمراھى ياساش ۋە قويۇپ بەرگۈچى دۆلەت ئورنى دۈشمەن كۈچلەر ئىنكار قىلىشى بىلەن ئۆزگىرىش يۈز بەرمەيدۇ.ئالەم ئىچىش خىزمىتى باشقىلارنىڭ قارشى تۇرۇش بىلەن توختاپ قالمايدۇ.چاۋشيەن سۈنئىي ھەمراھلىرى ‫‫‫‏پارتىيە مەركىزىي كومىتېتى قارار قىلغان ئورۇندا ۋە ۋاقىتتا ئالەم بوشلۇقىغا قاراپ ئۇچىدۇ.