جۇڭگو ئۇيغۇرچە رادىيو تورى 21-ئاپرېل بېيجىڭ خەۋىرى:
13 تاموژنا نازارەت قىلىپ باشقۇرۇش ماشىنىسىنىڭ تاموژنانىدا ئارخىپ تۇرغۇزۇش رەسمىيىتىنى بېجىرىشى، ئوڭۇشلۇق كارتا سۈرۈپ تاموژنا نازارەت قىلىپ باشقۇرۇش ئېغىزى ئارقىلىق قەشقەر ئۇنىۋېرسال باجدىن خالىي باغچە رايونىغا كىرىشىگە ئەگىشىپ، قەشقەر ئۇنىۋېرسال باجدىن خالىي رايونى تۈنۈگۈن رەسمىي يېپىق تاموژنىلىق تىجارەت باشلاپ، شىنجاڭدىكى 2-، جەنۇبىي شىنجاڭدىكى 1- ئۇنىۋېرسال باجدىن خالىي رايونغا ئايلاندى، بۇنىڭ بىلەن قەشقەر مەملىكەت بويىچە چېگرا ئېغىزى ئىقتىدارىغا ئىگە ئىچكى قۇرۇقلۇق شەھەرلىرى قاتارىغا كىردى.

ئىگىلىنىشىچە، 2014-يىلى 2-سېنتەبىر گوۋۇيۈەن قەشقەرنى ئۇنىۋېرسال باجدىن خالىي رايون قىلىپ تەسىس قىلىشنى رەسمىي تەستىقلىغان. قەشقەر ئۇنىۋېرسال باجدىن خالىي رايونى چەتئەل مەبلىغى كىرگۈزۈش، كەسىپلەرنىڭ يۆتكىلىشىنى ئىلگىرى سۈرۈش، يول ئىقتىسادىدىن ئۇنىۋېرسال تىپىتىكى ئىقتىسادقا قاراپ بۇرۇلۇش ياساشتا مۇھىم رول ئوينايدۇ. قەشقەرنىڭ يىپەك يولى ئىقتىساد بەلبېغىدىكى يادرولۇق رايونلۇق مۇھىم ئورنى گەۋدىلىنىدۇ.