شىنجاڭ يۇقىرى سۈرئەتلىك تۆمۈريولىنىڭ تۇرپان شىمالىي بېكىتى چاسا يول ئېغىزىدا 19-ئاپرېل سائەت 19:00 ئەتراپىدا ئىككى ئاپتوموبىل ئۆز ئارا سوقۇلۇپ كېتىپ، بىر ئادەم قازا قىلغان، تۆت ئادەم يارىلانغان، بىر ئادەم قاپسىلىپ قالغان. تۇرپان شەھىرى يارغول يولى ئوت ئۆچۈرۈش ئوتتۇرا ئەترىتى «119 » قوماندانلىق مەركىزىنىڭ ئورۇنلاشتۇرۇش بۇيرۇقىنى تاپشۇرۇپ ئالغاندىن كېيىن، يەتتە نەپەر ئوت ئۆچۈرۈش خادىمىنى نەق مەيدانغا بېرىپ قۇتقۇزۇشقا ياردەملىشىشكە ئەۋەتكەن.
ئوت ئۆچۈرۈش خادىملىرىنىڭ نەق مەيداندىن ئىگىلىشىچە، ۋەقە يۈز بەرگەن نەق مەيدانغا ئاۋۋال يېتىپ بارغان «120» جىددىي قۇتقۇزۇش خادىملىرى قارا رەڭلىك پىكاپنىڭ ئېغىر دەرىجىدە بۇزۇلغانلىقىنى، پىكاپنىڭ ئېغىر دەرىجىدە ۋەيران بولۇپ، ئالدى تەرەپ يان ئورۇندا ئولتۇرغان كىشىنىڭ قازا قىلغانلىقىنى، شوپۇرنىڭ ئەھۋالى خەتەرلىك ئىكەنلىكىنى كۆرگەن.
قۇتقۇزۇش خادىملىرىنىڭ يېرىم سائەتتىن كۆپرەك ۋاقىت جىددىي قۇتقۇزۇشى نەتىجىسىدە قاپسىلىپ قالغان ئەر ئوڭۇشلۇق قۇتقۇزۇۋېلىغان، نۆۋەتتە، ۋەقە تېخىمۇ ئىچكىرلەپ تەكشۈرۈلۈۋېتىپتۇ.