كەتمەن ساداسى

版权声明：转载时请以超链接形式标明文章原始出处和作者信息及本声明
http://www.blogbus.com/ketmenbay-logs/233947465.html

كۆڭلى قارانىڭ بەختىمۇ قارا


ساداقەتجان ھاجى


بەختى قارا بولغۇسى كۆڭلى قارا بولسا كىم.
باسقاي غەپلەت ئۇيقۇسى روھى يارا بولسا كىم.

نەپسى دىگەن تېگى يوق ھاڭغا ئوخشايدۇ، شۇڭا
تاپقاي بالا بېشىغا نەپسى بالا بولسا كىم.

باشقا كەلگەن بالادىن قۇتۇلمىقى قىيىندۇر،
قەلبى زۇلمەت-قاراڭغۇ، ئەقلى چالا بولسا كىم.

ئۆمرى ئۆتەر سۆيگۈنىڭ لەززىتىنى سۈرەلمەي،
مۇھەببەتتە بىپەرۋا ھەم بىۋاپا بولسا كىم.

گۈزەللىكنى كۆرەلمەس مىڭ كۆز بولغان بىلەنمۇ،
رازى بولماي جاھاندىن دائىم خاپا بولسا كىم.

تاپالمايدۇ ئىناۋەت بېشى كۆككە يەتسىمۇ،
شەخسىيەتچى، ۋىجدانسىز ھەم بىھايا بولسا كىم.

يەتكۈزەلمەس ئۆمرىدە لاي سۇچىلىك ئەلگە نەپ،
ئىش قىلغاندا لايغەزەل ھەم بىساپا بولسا كىم.

ياخشىلارغا يانداشسا ئەل-يۇرت ئالار ئارىغا،
تۈزەتسىلا ۋاقتىدا يولى خاتا بولسا كىم.

ئىشقى بىدار تەۋبە قىل، ئىشق يولىدا سەبرى قىل،
ئىچكەي ۋىسال شارابى ئەھلى ۋاپا بولسا كىم؟
٭٭٭٭٭٭٭٭٭٭٭٭٭٭٭٭
(1998-يىل 23-يانۋار. قەشقەر.
«شىنجاڭ گېزىتى» 1998-يىل 11-ئاپرىل)
٭٭٭٭٭٭٭٭٭٭٭٭٭٭٭٭