ئىز تورى-爱智网

　　  جۇڭگو ئۇيغۇرچە رادىيو تورى 22-ئىيۇن بېيجىڭ خەۋىرى: ئامېرىكا ئاقسارىيىنىڭ باياناتچىسى كارنىي 21-ئىيۇن مۇنداق دېدى: ئامېرىكا پىرېزىدېنتى ئوباما ئافغانىستاندىن قوشۇن چېكىندۈرۈش ھەققىدە ئاخىرقى قارار چىقاردى ھەم 22-ئىيۇن كەچتە پۈتۈن ئامېرىكىغا تېلېۋىزىيە سۆزى قىلىپ، بۇ قارارنى جاكارلايدۇ. كارنىي مۇنداق دېدى: ئوبامانىڭ سۆزىنىڭ مۇھىم نۇقتىسى-ئامېرىكىنىڭ قوشۇن چېكىندۈرۈش باسقۇچلىرىنى ئورۇنلاشتۇرۇش ھەققىدە بولىدۇ، ئوباما بۇندىن ئىلگىرى بۇ يىل 7-ئايدىن تارتىپ ئافغانىستاندىن قوشۇن چېكىندۈرۈش ھەققىدە ۋەدە بەرگەن، ئۇ بۇ ۋەدىسىگە ۋاپا قىلىدۇ، بۇ دەل ئۇ 22-ئىيۇن كەچتە جاكارلايدىغان ئاساسلىق مەزمۇن. كارنىي قوشۇن چېكىندۈرۈش قارارى-ئۇرۇش چىقىمىدىن ئەمەس، بەلكى ئافغانىستاننىڭ نۇرغۇن نىشانغا يەتكەنلىكى ئۈچۈن چىقىرىلدى دېدى.