كامال جامال
ئىز تورى www.iz.la
مۇستەقىل تۇرمۇشقا قەدەم قويغان ياشلارنىڭ ھېس – تۇيغۇلىرى ھەرقانچە ‹‹چاپچىپ›› تۇرسىمۇ، تۇرمۇشقا، ھاياتقا يۈكسەك مەسئۇلىيەتچان بولغاندىلا، كۆزلىگەن مەنزىلىگە يېتەلەيدۇ. ئەكسچە بولغاندا ھايات لەززىتىدىن مەھرۇم قالىدۇ. ئىز تورىدا ئىزلىرىمىز قالسۇن!
پەن – تېخنىكا يۈكسەلگەن بۈگۈنكى كۈندە تاللاش، شاللاشتىن ئىبارەت ھەقىقەت ھەممەيلەنگە كەسكىن سىناقلارنى ئاتا قىلىش بىلەن بىللە، ياشلارنىڭ ھېسسىيات، قىزىقىشىنى ئىلمىي، توغرا بىر تەرەپ قىلالايدىغان مۇتەخەسسىسلەردىن بولۇشىنىمۇ تەلەپ قىلماقتا. ياشلاردىكى كۈچلۈك ھېسسىيات ئۇلارنىڭ غايىسىنى قاناتلاندۇرۇپ، قىزىقىشلىرىغا تۇتۇرۇق بولسىمۇ، ئەمما شۇ ھېسسىيات ئىچىدىكى خام، چولتا قىزىقىشلارغا بېرىلگەندە، ئۇلۇغۋار ئارزۇ – ئارمانلار ئاسانلا كۆپۈككە ئايلىنىدۇ. ياشلىقتىكى ئەڭ كاتتا مۇكاپات ئۆز – ئۆزىنى قۇدرەت تاپقۇزۇش، مۇستەقىل ياشاش ئىقتىدارىنى ھازىرلاشتۇر. ھاۋايى ھەۋەس، ئەرزىمەس ئىشلار ئۈچۈن تىپىرلاپ يۈرۈش بىھۇدە ئاۋارىچىلىك بولۇپلا قالماستىن، بىباھا ياشلىقنىڭ قىممىتىنى يوقىتىدىغان روھىي زەئىپلىك. شۇنى بىلىشىمىز كېرەككى، ئادەمدە، يىقىلسا، ئورنىدىن دەست تۇرالايدىغان روھ بولۇشى كېرەك. ئەكسىچە ھېسسىيات ئېزىتقۇسىنىڭ سېھىرلىك رەڭلىرىگە ئالدىنىپ، تۇرمۇشتا خاتا قەدەم ئېلىپ قالسا، ئۇنى ئوڭشاش تەسكە چۈشىدۇ. www.iz.la
ئاخىرىدا زامانداشلىرىمغا شۇنى تەۋسىيە قىلىمەنكى، بۈگۈنىڭىز ئۈچۈن ئىزدەنگەندە ئەقلىڭىزگە، ئىلمىي تەپەككۇرىڭىز ۋە تەسەۋۋۇرىڭىزغا تايىنىڭ، ھەرگىزمۇ ياشلىقتىكى بىردەملىك ھېسسىي ‹‹سەراب›› لارغا بېرىلمەڭ!
