ئامېرىكا كېڭەش پالاتاسى جۇمھۇرىيەتچىلەر پارتىيەسىنىڭ رەھبىرى مېككاننېل ( ماتېرىيال سۈرەت )
شىنخۇا تورى بېيجىڭ 26–ئۆكتەبىر تېلېگراممىسى : ئامېرىكا كېڭەش پالاتاسى جۇمھۇرىيەتچىلەر پارتىيەسىنىڭ رەھبىرى مېككاننېل 25–ئۆكتەبىر جۇمھۇرىيەتچىلەر پارتىيەسىنىڭ نۆۋەتتىكى ئەڭ مۇھىم مەقسىتى ئامېرىكىدا نويابىردا ئۆتكۈزۈلىدىغان پارلامېنتنىڭ ئوتتۇرا مەزگىللىك سايلىمىدىن كېيىن ئامېرىكىنىڭ زۇڭتۇڭلۇق ئورنىنى تارتىۋېلىش ، دېگەن .
مېككاننېل ‹‹ خەلق خەۋەرلىرى ›› ھەپتىلىك ژۇرنىلىنىڭ مەخسۇس زىيارىتىنى قوبۇل قىلغاندا مۇنداق دېگەن : ئۆزىمىزنىڭ زۇڭتۇڭ نامزاتىغا ئەڭ يۇقىرى چەكتە غەلىبە قىلىش پۇرسىتى يارىتىپ بېرىشىمىز بىردىنبىر سىياسىي نىشانىمىز . زۇڭتۇڭ ئوباما رەت قىلىش ھوقۇقىنى كونترول قىلىۋالغان ئەھۋالدا ، بىزمۇ ھاكىمىيەت ئىشلىرىغا كونترول قىلماي تۇرالمايمىز .
جۇمھۇرىيەتچىلەر پارتىيەسىنىڭ ئالدىنقى قوللاش نىسبىتىگە قارىغاندا ، ئانالىزچىلارنىڭ مۆلچەرىدە جۇمھۇرىيەتچىلەر پارتىيەسى قايتىدىن كېڭەش پالاتاسىنى كونترول قىلىدىكەن . بىراق نۇرغۇنلىغان ئامېرىكا پۇقرالىرى يەنىلا ئامېرىكا ئىقتىسادىنىڭ قىيىن ئەھۋالغا چۈشۈپ قېلىشىنى جۇمھۇرىيەتچىلەر پارتىيەسىدىكى سابىق زۇڭتۇڭ كىچىك بۇش كەلتۈرۈپ چىقارغان دەپ قارايدىكەن .
مېككاننېل جۇمھۇرىيەتچىلەر پارتىيەسىدىكىلەرنى بۇ قېتىملىق پارلامېنت سايلىمىغا ‹‹ كەمتەر ، تەشەككۈر ئېيتىش ›› پوزىتسىيەسى بىلەن مۇئامىلە قىلىشقا دەۋەت قىلغان .
ئۇ ئاگاھلاندۇرۇپ جۇمھۇرىيەتچىلەر پارتىيەسى 1994 ــ يىلدىكى خاتالىقىنى قايتا سادىر قىلماي تېخىمۇ ئەقىللىقراق بولۇشى كېرەك ، دېگەن . ئۇ ۋاقىتتا جۇمھۇرىيەتچىلەر پارتىيەسى پارلامېنتنىڭ كونترول قىلىش ھوقۇقىنى قايتۇرۇۋالماقچى بولغان بولۇپ ، بىراق ئىككى يىلدىن كېيىنكى زۇڭتۇڭ سايلىمىدا ، دېموكراتلار پارتىيەسىنىڭ زۇڭتۇڭى كېلىنتۇن يەنە قايتا سايلانغان .
ئاق ساراي باياناتچىسى بوتۇن ئوبامانىڭ ئاللىقاچان ‹‹ جەڭ ھالىتى ›› گە كىرگەنلىكىنى ، مېككاننېلنىڭ گەپ ــ سۆزلىرى جۇمھۇرىيەتچىلەر پارتىيەسىنىڭ بۇنىڭدىن كېيىن ‹‹ توسالغۇ ›› ئىستىراتېگىيىسىنى قوللىنىدىغانلىقىنى ئېيتقان .
