ئىختىيارىي مۇخبىرىمىز مۇساجان تۇردى خەۋرى ، فوتوسى : دۆلىتىمىز قۇرۇلغانلىقىنىڭ 62 يىللىقىنى قىزغىن تەبرىكلەش ، قاراشەھەر ناھىيەسىنىڭ ئېسىل تائاملار مەدەنىيىتىنى تېخىمۇ ياخشى راۋاجلاندۇرۇپ، ئىجتىمائىي ، ئىقتىسادىي تەرەققىياتنى ئىلگىرى سۈرۈش ئۈچۈن ، 2-نۆۋەتلىك ئېسىل تائاملار ساياھەت مەدەنىيەت بايرىمى 1-ئۆكتەبىر ناھىيەلىك خەلق مەيدانىدا داغدۇغىلىق ئۆتكۈزۈلدى . ئىككى كۈن داۋاملاشقان بايرامدا ناھىيە تەۋەسىدىكى يېمەك-ئىچمەك كەسپى بىلەن شۇغۇللىنىدىغان 60 دىن ئارتۇق كارخانا ۋە يەككە تىجارەتچى ھەرخىل ئېسىل تائاملارنى تەييارلاپ ، قارا شەھەر تائاملىرىنىڭ ئۆزگىچە سېھرىنى نامايان قىلدى .
بۇ قېتىملىق بايرامنىڭ ئېچىلىش مۇراسىمىغا شىنجاڭ ئۇيغۇر ئاپتونوم رايونلۇق مەدەنىيەت نازارىتىنىڭ نازىرى ئابلىز ئابدۇرېھىم ، ئاپتونوم رايونلۇق ساياھەت ئىدارىسىنىڭ مۇئاۋىن باشلىقى گۈلى ، مۇئاۋىن ئوبلاست باشلىقى جاڭ دوڭبىڭ ، ئوبلاستلىق سىياسىي كېڭەشنىڭ مۇئاۋىن باشلىقى رېن شىنچۇەن ۋە قارا شەھەر ناھىيەسىنىڭ ئالاقىدار رەھبەرلىرى قاتناشتى ۋە مۇھىم سۆز قىلدى .
ياش كارخانىچى ياسىنجان توختىنىڭ قايدۇ ماركىلىق يۈرۈشلۈك مەھسۇلاتلىرى
