ئىز تورى-爱智网

2010-يىللىق دۇنيا لوڭقىسىنىڭ 1-ئايلانما گۇرۇپپا مۇسابىقىسى تۈنۈگۈن كەچ تولۇق ئاياغلاشتى . دۇربان شەھىرىدە ئۆتكۈزۈلگەن H گۇرۇپپىنىڭ بىر مەيدان مۇسابىقىسىدە 2008-يىللىق ياۋروپا لوڭقىسىنىڭ چېمپيونى ئىسپانىيە 0-1 نەتىجىدە شىۋىتسارىيىگە ئۇتتۇرۇپ قويۇپ ، بۇ نۆۋەتلىك مۇسابىقىدىكى ئەڭ ئويلىمىغان نەتىجىنى كەلتۈرۈپ چىقاردى .

مۇسابىقىدە ئىسپانىيە كوماندىسى ئىزچىل ئاكتىپ ئورۇندا تۇرۇپ قارشى تەرەپ ۋارىتارىغا 20 قېتىمدىن ئارتۇق توپ ئۇرغان بولسىمۇ نومۇرغا ئېرىشەلمىدى . ئەكسىچە شىۋىتسارىيە بىر قېتىملىق ئۈنۈملۈك قايتۇرما ھۇجۇمغا تايىنىپلا ئوتتۇرا مەيدان ماھىرى گېلسون فېرناندىس ھالقىلىق توپتىن بىرنى كىرگۈزۈپ كوماندىنى غەلىبىگە ئېرىشتۈردى . H گۇرۇپپىدىكى يەنە بىر مەيدان مۇسابىقىدە چىلى كوماندىسى ئوخشاشلا 1-0 نەتىجە بىلەن ھوندۇراس كوماندىسىنى يېڭىپ 3 نومۇرغا ئېرىشىپ شىۋىتسارىيە بىلەن تەڭ گۇرۇپپىدا 1-ئورۇننى ۋاقىتلىق ئىگىلىدى .