چەتئەل ئاخبارات ۋاستىلىرىنىڭ خەۋەر قىلىشىچە ، يېقىندا ئامېرىكىدىكى بىر مۇستەقىل تەكشۈرۈش گۇرۇپپىسى گوگېل ئىزدەش تورىنىڭ باش بېتىگە <پۇرچاق يېيىش ئويۇنى> نى قويۇپ قويغاندىن كېيىن پۈتۈن دۇنيادا جەمئىي 5 مىليون سائەتلىك ئىش ۋاقتىنىڭ مۇشۇ ئويۇننى ئويناشقا سەرپ قىلىنغانلىقىنى ھېسابلاپ چىققان . تەتقىقاتچىلارنىڭ مۆلچەرلىشىچە بۇنچىلىك ئەمگەك ۋاقتىدا يارىتىلىدىغان بايلىقنىڭ قىممىتى 120 مىليون دوللارغا يېتىدىكەن .
كلاسسىك ئېلكترون ئويۇنى <پۇرچاق يېيىش> ئېلان قىلىنغانلىقىنىڭ 30 يىللىقىنى تەبرىكلەش ئۈچۈن گوگېل تورى 21-مايدىن باشلاپ مەزكۇر ئويۇننى باش بېتىگە قويۇپ قويغان بولۇپ ، بۇنىڭ بىلەن ھەر كۈنى گوگېل تورىغا چىقىدىغان ئابونتلارنىڭ باش بەتتە توختاش ۋاقتى ئىلگىرىكىدىن تەخمىنەن 36 سېكۇنت ئۇزارغان . بۇ سانغا ھەر كۈنى گوگېل تورىنى زىيارەت قىلىدىغان 500 مىليون ئادەمنى كۆپەيتكەندە جەمئىي ئىسراپ بولغان ۋاقىت 5 مىليون سائەت ، يەنى 549 يىل بولىدىكەن .
