چەتئەل ئاخبارات ۋاستىلىرىنىڭ خەۋەر قىلىشىچە ، گوللاندىيە ئالىملىرى يېقىندا كىشىلەر ئۇزۇندىن بۇيان تىنچ ئوكيان يۈزىگە تاشلاپ كېلىۋاتقان ئومۇمىي ئېغىرلىقى 44 مىليون توننىدىن ئاشىدىغان سۇلياۋ خالتا قاتارلىق لەيلىمە ئەخلەتلەرنى يىغىپ بىر سۈنئىي ئارال ياساش پىلانى بارلىقىنى ئاشكارىلىغان . ئۇلار كېيىنكى بىر نەچچە يىل ئىچىدە تىنچ ئوكيان يۈزىدە لەيلەپ يۈرگەن بارلىق ئەخلەتلەرنى يىغىپ بىر تەرەپ قىلغاندىن كېيىن قاتۇرۇپ پىششىقلاپ ئىشلەپ دېڭىز يۈزىدە بىر سۈنئىي ئارال قۇرۇپ چىقىدۇ .
ئىگىلىنىشىچە ، قۇرۇلغۇسى سۈنئىي ئارالنىڭ كۆلىمى ئامېرىكىنىڭ ھاۋاي ئارىلى بىلەن تەڭ كېلىدىغان بولۇپ ، ئالىملار قۇياش ئېنىرگىيىسى ۋە دېڭىز دولقۇنىنىڭ ھەرىكەت ئېنىرگىيىسىدىن ئۈنۈملۈك پايدىلىنىپ ، پۈتكۈل ئارالنى 500 مىڭ ئادەمنى نورمال ياشاش شارائىتى بىلەن تەمىنلىيەلىگۈدەك ئېنىرگىيە كاپالىتىگە ئىگە قىلالايدۇ .
