ئەرلەر يەتتە خىل غەلىتە ئاغرىققا سەل قارىماسلىقى كېرەك
1.كۆكرەك قىسمى قىسقا مۇددەت ئاغرىشبۇ ئاغرىق تېز تۇتۇپ تېز توختايدۇ . بۇ ھەزىم قىلىشنىڭ ياخشى بولماسلىقى ياكى يۈرەك كېسىلى قوزغالغانلىقنىڭ ئالامىتى ، بۇنداق ئەھۋالدا دەرھال دوختۇرخانىغا بېرىپ يۈرەكنى تەكشۈرتۈپ بېقىش لازىم .
2.چاتراق تۇيۇقسىز ئاغرىش يوتىنىڭ ئىچكى قىسمى ئاغرىپ ئىششىغان بولسا ، بۇ ئۇرۇقداندىن چاتاق چىققانلىقىنىڭ ئالامىتى . بۇنداق بولغاندا ، يەنى ئۇرۇق بېغىشىنىڭ ئىچكى قىسمىدىكى قان ئايلىنىش توسالغۇغا ئۇچراپ ، ئۇرۇقدانغا قان يېتىشمەيدۇ ، ھەتتا ئۇرۇقدان كاردىن چىقىدۇ . بۇنداق ئالامەت كۆرۈلۈپ تۆت سائەتتىن ئالتە سائەتكىچە بولغان ۋاقىت 12دىن 24 سائەتكىچە سۈرۈلۈپ كەتسە ، ئۇرۇقداننىڭ فونكىسيەسىنى ئەسلىگە قايتۇرۇش تەس . كىيىنگەن ئىشتان بەك تار بولۇپ كەتسىمۇ ، ئۇرۇقدان ياللۇغلىنىپ قالىدىغان ، ئالامەت كۆرۈلۈشى مۇمكىن ، شۇڭا دەرھال تەكشۈرتۈپ بېقىش كېرەك .
3. دۈمبە قىسمى قاتتىق ئاغرىشئېڭىشىپ ھەرىكەت قىلغاندا دۈمبە قىسمىڭىز قاتتىق ئاغرىسا ، ئىىسسىق ئۆتكۈزۈپ بىردەم ئارام ئالسىڭىز ۋە ياكى ئاغرىق توختىتىش دورىسى ئىچسىڭىزمۇ كار قىلمىسا ، بۇ قىزىل قان تومۇر ئۆسمىسى ياكى بۆرەكتە تاش پەيدا بولغانلىقىنىڭ ئالامىتىدۇر ، بۆرەكتە تاش پەيدا بولغان بولسا ئاغرىش دەرىجىسى بەك ئېغىر بولىدۇ . بۇنداق ئەھۋالدا چوقۇم CT ئاپپاراتىدا تەكشۈرتۈڭ .
4. پۇت ياكى پاقالچاق سۆڭىكى داۋاملىق ئاغرىش ناۋادا پۇت ۋە پاقالچاق دائىم ئاغرىسا ، ھەرىكەت قىلغاندا ئاغرىق كۈچىيىپ كەتسە ، ئارام ئالغاندىمۇ ئاغرىق پەسەيمىسە ، ئاغرىق توختىتىش دورىسىمۇ كار قىلمىسا ، بۇ ھەددىدىن ئارتۇق بەدەن چېنىقتۇرۇش كەلتۈرۈپ چىقارغان ھارغىنلىق خاراكتېردىكى سۆڭەك سۇنۇش . ئەڭ ياخشىسى تەكشۈرتۈپ ، ساقايغاندىن كېيىن كۈچەپ ھەرىكەت قىلىشتىن ساقلىنىش كېرەك .
5. پاقالچاق قىسمى ئىششىشبولۇپمۇ بارماق ئىششىپ ، بىر نېمە تەگسە ئاغرىپ ، قىزىغاندەك ئالامەت كۆرۈلسە ، بۇ قاننىڭ چوڭقۇر ۋىنادا ئۇيۇپ قالغانلىقىنىڭ ئالامىتى . بۇنىڭغا سەل قارالسا ، ئېغىر بولغاندا ئۆپكە كەپلەشمىسىنى كەلتۈرۈپ چىقىرىپ ھاياتقا خەۋپ يېتىدۇ .
6. كىچىك تەرەت ئاغرىتىپ كېلىشكىچىك تەرەت قىلغاندا ئاغرىپلا قالماي ، يەنە سۈيدۈكنىڭ رەڭگى قىزغۇچ سۈيدۈكنىڭ رەڭگى قىزغۇچ بولسا ، بۇ دوۋساق ياللۇغى ياكى دوۋساق راكىنىڭ بېشارىتى بولۇشى مۇمكىن . تاماكا بۇ كېسەلنى پەيدا قىلغۇچى ئەڭ ئاساسلىق سەۋەبلەرنىڭ بىرى .
7. بەل ئاغرىش بەل پىچاق تىققاندەك قاتتىق ئاغرىسا ، بۇ قورساق قىسمىدىكى ئەزالارنىڭ ياللۇغلانغانلىقىنىڭ ئالامىتى .
مەنبە: ئۈرۈمچى كەچلىك گېزىتى
| 
يوللانغان ۋاقتى 2011-3-27 23:41
يوللانغان ۋاقتى 2011-3-28 14:02
