«خوبىتلار:كۈتۈلمىگەن ساياھەت»نىڭ تەشۋىقات فىلىمى قۇيۇلدى - huxhuy online----Sports|world News|it News|china News|Local News Business

    ۋارنېر ئاكا-ئۇكىلار كىنو شېركىتى ، يېڭى تور شېركىتى ۋە MGM
شېركىتى ھەمكارلىشىپ ئىشلىگەن ئۈچ بۆلۈملۈك كىنونىڭ بىرىنجى بۆلىمى«خوبىتلار:كۈتۈلمىگەن ساياھەت» كۆرۈرمەنلەرنىڭ تەقەززالىقى ئاستىدا 2012-يىلى12-ئاينىڭ 14-كۈنى شىمالى ئامېرىكىدا قۇيۇلىدۇ.يېقىندا فىلىم تەرەپ كىنونىڭ بىر قىسىم تەشۋىقات فىلىملىرىنى ئاشكارلىدى،بۇ كىنو مەستانىلىرىنىڭ قىزغىنلىقىنى دېڭىز دولقۇنىدەك قوزغىتىۋەتتى ۋە ئۇلارنى تېخىمۇ بەك ئىنتىزار قىلدى، ھەمدە پات ئارىدا كۈتىۋېلىش ئالدىدا تۇرغان خوبىتلارغا زور سوغا تەييارلىدى.
    «خوبىتلەر»ناملىق كىنو ئەنگىلىيە يازغۇچىسى تولكىننىڭ ئوخشاش ناملىق ھىكايىسىدىن ئۆزگەرتىلگەن،9-ئاينىڭ 21-كۈنى «خوبىتلار»نىڭ نەشىردىن چىققانلىقىنىڭ 75 يىللىقىنىڭ خاتىرە كۈنى،يەنە بىر كۈن ئۆتكەندىن كىيىن كىتاپتىكى ئوبرازلار بىلبو ۋە فىرودونىڭ تەڭلا تۇغۇلغان كۈنى كېلىدۇ.بۇ ھەمدە «خوبىتلار»كۈنى بۇلۇپ ھىسابلىنىدۇ.خوبىتلارنىڭ تەبرىك كۈنى ئاللىقاچان ھۆكىمەت تەرەپنىڭ تەستىقىدىن ئۆتكەن.ھەمدە دۇنيانىڭ ھەرقايسى جايلىرىدا تولكىننىڭ مەستانىلىرى ھەرخىل پائالىيەتلەر بىلەن ئۇنى تەبرىكلەيدۇ.9-ئايدىكى پۈتۈن بىر ئايدا Facebook بېتىدە «خوبىتلار:كۈتۈلمىگەن ساياھەت» توغرىسىدا نۇرغۇنلىغان پىكىرلەر ئوتتۇرغا قۇيۇلغان.ھەمدە بىرلىكتە توركىننى خاتىرلەپ«قانداق قىلغاندا خوبىتلار ئەترىتىنى تەشكىللىگىلى بولىدۇ»ناملىق پائالىيەت توغرىسىدا مۇنازىرە ئېلىپ بارغان.مانا بۇ ئالاھىدە پىروگرامما ئارقىلىق كىنو مەستانىلىرى دۇنيانىڭ ھەرقايسى جايلىرىدىكى ئىلھام ۋە ئىجادىيەتلەرنى يىغقان.
    كىنو جەمئىي ئۈچ بۆلۈمدىن تەركىپ تاپقان بۇلۇپ بۇ ھىكايە«ئۈزۈك شاھى»ۋەقەسىدىن 60 يىل بۇرۇن يۈز بەرگەن ئىشلار ئىدى. بۇنىڭدا فىرودونىڭ تاغىسى بېلبونىڭ ئون ئۈچ پاپىلارنىڭ خەتەرلىك ساياھىتىگە قاتناشقانلىقى تەسۋىرلىنىدۇ.ئۇنىڭدا بېلبو ئۇقۇشماستىن ئۇلارغا قۇشۇلۇپ قالغانىدى.ئۇلار نەچچە مىڭلىغان،ئون مىڭلىغان گوبلىنلارغا يولۇقۇپلا قالماستى،يېرىم يىرتقۇچ ئادەم،جان ئالغۇچى بۆرە چەۋەندازى،گىگانىت ئۆمۈچۈك،ئۆزگەرگۈچى مەخلۇق،جادىگەر،ھەمدە ئۇنىڭ كىيىنكى ھاياتىنى ئۆزگەرتكۈچى غەلىتە مەخلۇق گۇلۇمۇ قاتارلىقلارنى ئۇچرىتىدۇ.يەنە بىر جايدىكى كۆلنىڭ بويىدا بېربو بىلەن گولۇمۇ بىر ئۈزۈكنى تېپىۋالىدۇ.مانا بۇ ئالتۇن رەڭلىك ئۈزۈك ئوتتۇرا ئىقلىمدىكى ھەر بىر ئادەمنىڭ تەقدىرىنى ئۆزگەرتىۋېتىدۇ.