ئامېرىكىدىكى نوپۇزلۇق چولپان ماكلايىن
ئامېرىكا 40-نۆۋەتلىك زۇڭتۇڭى رونالد ۋېلسون رىگان
خەلقئارا تور لىنىيىسى خەۋىرى ، نۇر تورى تەرجىمىسى، ئەنگلىيىنىڭ «كۈندىلىك پوچتا گېزىتى»9-ئاينىڭ 19-كۈنى خەۋىرى، ئامېرىكا تاماشا ساھەسىدىكى نوپۇزلۇق چولپان ماكلايىن يېقىندا ئامېرىكىنىڭ40-نۆۋەتلىك زۇڭتۇڭى رونالد ۋىلسون رىگاننىڭ كىنو ساھەسىنى تاشلاپ سىياسىي بىلەن شۇغۇللىنىشى تاشقى پلانېتا ئادىمىنىڭ يول كۆرسىتىشى بىلەن بولغان دەپ ئاشكارىلىغان. ماكلايىننىڭ ئېيتىشىچە، رىگان تېخى كىنو ئارتىسى بولۇۋاتقان مەزگىلىدە تاسادىپىي پۇرسەتتە تاشقى پلانېتا ئادىمىگە يولۇقۇپ قالغان ھەمدە ئۇنىڭ بىلەن يېقىن ئارىلىقتا ئۇچراشقان ، تاشقى پلانېتا ئادىمى رىگانغا كىنو ساھەسىدىن چېكىنىپ سىياسىي بىلەن شۇغۇللىنىش توغرىسىدا يول كۆرسەتكەن.
78ياشلىق ماكلايىن ئۆزىنىڭ كۆپ قېتىم ئېنىق بولمىغان ئۇچار جىسىمنى كۆرگەنلىكىنى، رىگان زۇڭتۇڭنىڭمۇ تاشقى پلانېتا ئادىمىنىڭ بارلىقىغا ئىشىنىدىغانلىقى ئېيتقان. ئۇنىڭ بۇنداق جەزىملەشتۈرىشى داڭلىق فىلىم «مەن لۇسىينى سۆيىمەن»ناملىق فىلىمنىڭ ئايال ئارتىس لۇسىي باۋېردىن كەلگەن. لۇسىينىڭ ئېيتىپ بېرىشىچە، رىگان تېخى كىنو ئارتىسى بولۇۋاتقان مەزگىلىدە ئايالى ناسىي بىلەن بىرگە لوس ئانژىلىسقا مەلۇم بىر پائالىيەتكە قاتناشقىلى ماڭغان يول ئۈستىدە ئېنىق بولمىغان ئۇچار جىسىم ئۇلارنىڭ ئالدىغا چۈشۈپ توختاپ، بۇ ئۇچار جىسىمدىن تاشقى پلانېتا ئادىمى چۈشكەن ھەمدە ئېغىز ئېچىپ رىگاننى:« ئەمدى ئارتىس بولماي سىياسىي بىلەن شۇغۇللانغىن» دېگەن.
ماكلايىن ئەنگلىيە«كۈندىلىك خەۋەر ئەينىكى »نىڭ زىيارىتىنى قوبۇل قىلىپ: «تاشقى پلانېتا ئادىمىنىڭ بارلىقىغا ئىشىنىدىغان پەقەت رىگانلا ئەمەس. 1954-يىلى ئامېرىكىنىڭ 34-نۆۋەتلىك زۇڭتۇڭى داۋىت دەيۋىد ئېسىنھوۋېر موسكۋانىڭ ھاۋا ئارمىيە بازىسىدا تاشقى پلانېتا ئادىمى بىلەن ئۈچ قېتىملىق مەخپىي سۆھبەتتە بولغان»دېگەن.
يېقىندا ئەنگلىيە تېلېۋىزىيە تىياتىرى «دوۋنتون بېغى »ناملىق فىلىمدە رول ئالغان ماكلايىن ئۆزى ھېس قىلغان ۋە بىلىدىغان ئېنىق بولمىغان ئۇچار جىسىم توغرىسىدىكى بىلىملەرنى ئامېرىكا دۆلەت ئىشلىرى كاتىپى ھىلارى بىلەن ئورتاقلىشىشنى ئارزۇ قىلىدىغانلىقىنى ئېيتقان.
ئىگىلىنىشىچە، ماكلايىن ئېنىق بولمىغان ئۇچار جىسىملارغا ئائىت نۇرغۇن كىتابلارنى يازغان. ماكلايىن باشقىلارنىڭ ئۇ بايان قىلغان تاشقى پلانېتا ئادىمىگە ئائىت ئىشلارغا قىزىقىدىغانلىقىنى بىلىدىكەن ھەم بۇ توغرىسىدىكى ئىشلارغا ئىشەنمەيدىغانلارنىڭمۇ بارلىقىنى بىلىدىغانلىقىنى ئېيتىپ:«مەن ئەزەلدىن باشقىلارنىڭ قىزغىنلىقىدىن پايدىلانمىدىم ھەم باشقىلارنىڭ مېنى غەلىتە ئىنسان دېيىشلىرىگىمۇ كۆنۈپ قالدىم.ئەمەلىيەتتە ئۇلارنىڭ ھەممىسى راست»دېگەن.
