ئافغانىستاندا ئەنگلىيە تارىخىدىكى تۇنجى «جەڭ مەيدانىدىكى بوۋاق» دۇنياغا كەلدى - huxhuy online----Sports|world News|it News|china News|Local News Business

جۇڭگو ئاخبارات ئاگېنتلىقى لوندوننىڭ 9-ئاينىڭ 20-كۈنىدىكى تېلېگراممىسى، نۇر تورى تەرجىمىسى: ئەنگلىيە ھەربىي قوشۇن ئورگىنى 20-چىسلا دەلىللەپ، بىر نەپەر ئەنگلىيەلىك ئايال ئەسكەرنىڭ ئافغانىستاندىكى گازارمىدا ئوغۇل بوۋاق يەڭگىگەنلىكىنى ئېيىتقان، بۇ ئوغۇل بوۋاق ئەنگلىيە تارىخىدىكى تۇنجى «جەڭ مەيدانىدىكى بوۋاق»بولۇپ قالغان.
ئەنگلىيە دۆلەت خەۋپسىزلىك ئورگىنى، بۇ ئايال ئەسكەرنىڭ بۇ يىل 3-ئايدا ئافغانىستانغا ئەۋەتىلگەنلىكى، لېكىن بۇنىڭدىن بۇرۇنلار ھامىلدار ئىكەنلىكى، ئايالنىڭ ئۆزىنىڭ ھامىلدار ئىكەنلىكىنى بېرىشتىن بۇرۇن بىلمەيدىغانلىقى، كۆزى يورۇشتىن بۇرۇن ئۆزىنى ئىزچىل ئاشقازىنى ئاغرىغان دەپ ئويلىغانلىقىنى بىلدۈرگەن.
نۆۋەتتە، بۇ «جەڭ مەيدانىدىكى ئانا-بالا»نىڭ سالامەتلىكى ناھايىتى ياخشى ئىكەن. ئوكىسفورد جون.رادىكلى دوختۇرخانىسىدىكى تۇغۇت بۆلۈمى داۋالاش گۇرۇپپىسى ئافغانىستانغا يېتىپ بارغان بولۇپ، ئانا-بالىنىڭ ھالىدىن خەۋەر ئېلىپ ئاندىن ئەنگلىيەگە قايتۇرۇپ ئەكىلىدىكەن.
2003-يىلىدىن بۇيان، ئىراق ھەم ئافغانىستانغا ھەربىي خىزمەت ئۆتىگىلى بارغان ئايال ئەسكەردىن 200نەپەردىن ئارتۇقى ھامىلدارلىق سەۋەبىدىن دۆلىتىگە قايتىپ كەلگەن. ئالدىنقى يىلى بىر نەپەر ئايال ئەسكەر ئۆزىنىڭ ھامىلدار بولۇپ قالغانلىقىنى بىلمەيلا ئافغانىستانغا ھەربىي خىزمەت ئۆتىگىلى بارغان، كېيىن قوشۇن بىلەن تەڭ ئەنگلىيەگە قايتىپ كەلگەندىن كېيىن، ئىككى ھەپتە ئۆتۈپ يەڭگىگەن.
ئەنگلىيە ھەربىي ئىشلىرى مۇناسىۋەتلىك نىزامنامىسىگە ئاساسلانغاندا، ئەسكەرلەر ھەربىي خىزمەت ئۆتەشكە بېرىشتىن بۇرۇن بىر تۈرلۈك بەدەن تەكشۈرۈشىگە قاتنىشىدۇ، بۇنىڭ ئىچىدە ئاڭلاش ئىقتىدار، بەدەن ئىقتىدارى سىنىقى قاتارلىقلار تەكشۈرۈلىدۇ، لېكىن ئادەتتە ئاياللارغا ھامىلدارلىق تەكشۈرۈشى ئېلىپ بارمايدۇ.
ئەنگلىيە دۆلەت خەپسىزلىك ئورگىنى، بۇ مۇناسىۋەتلىك نىزامنى تەكشۈرۈشتە چۈشۈپ قالغان نۇقسان دېگەن ھەمدە بۇندىن كېيىن ھەربىي خىزمەت ئۆتەشكە مېڭىشقا تەييارلىق قىلىۋاتقان ئايال ئەسكەرلەرگە ھامىلدارلىق تەكشۈرۈشى ئېلىپ بېرىشنى مۇھاكىمە قىلماقتا.