سۈرەتتىكى شەخسلەر ئامېرىكىدىكى ئەڭ باي 12 كىشى

 
ئامېرىكىدىكى ئەڭ باي كىشى بىل گەيتىس

 
«پاي ئىلاھى» ۋاررېن باففېت

 
تولغىما ئۇسسۇل ناخشىچىسى جون جوۋى

 
ئامېرىكىدىكى داڭلىق گەپتان پروگراممىسى رىياسەتچىسى ئوپراھ ۋىنفرېي

 
جۇڭگو ئاخبارات تورىنىڭ 20- سېنتەبر تېلېگراممىسى: چەتئەل تېلېگراممىسىنىڭ خەۋىرىگە ئاساسلانغاندا، ئامېرىكىدىكى ئەڭ باي 12 كىشى نيۇيورك ئاممىۋى كۈتۈپخانىسىدا كوللېكتىپ سۈرەتكە چۈشۈپ، «فوربېس 400 زەردار تەرتىپى» نىڭ تەسىس قىلىنغانلىقىنىڭ 30 يىللىقىنى خاتىرىلىگەن. شۇنىڭ بىلەن بىرگە ئۆزلىرىنىڭ بىر نىيەتتە ساخاۋەتلىك ئىش قىلىش ئىرادىسىنى بىلدۈرگەن.
خەۋەرگە ئاساسلانغاندا، مىكروسوفت شىركىتىنىڭ قۇرغۇچىسى بىل گەيتىس، «پاي ئىلاھى» ۋاررېن باففېت، ئامېرىكىدىكى داڭلىق گەپتان پروگراممىسى رىياسەتچىسى ئوپراھ ۋىنفرېي قاتارلىق ئەڭ باي 12 ئامېرىكىلىق نيۇيورك ئاممىۋى كۈتۈپخانىسىغا جەم بولغان. ئۇلارنىڭ جەم بولۇشى تاسادىپىيلىق بولماستىن، بەلكى داڭلىق «فوربېس 400 زەردار تەرتىپى» نىڭ تەسىس قىلىنغانلىقىنىڭ 30 يىللىقىنى خاتىرىلەش ئۈچۈن ئىشلىنىدىغان ژۇرنالنىڭ مۇقاۋا سۈرىتىگە چۈشۈش مەقسىتىدە جەم بولغان، بۇ ژۇرنال 10- ئاينىڭ 8- كۈنى تارقىتىلىدۇ. شۇنىڭ بىلەن بىرگە، ئامېرىكىدىكى بۇ داڭلىق پۇلدار كىشىلەر مۇشۇ پۇرسەتتىن پايدىلىنىپ، سىرتتىكىلەرگە ئۆزلىرىنىڭ بىرلىكتە خەير- ساخاۋەت ئىشلىرى ئۈچۈن كۈرەش قىلىدىغانلىقىنى بىلدۈرگەن.
بۇ 12 پۇلدار كىشىنىڭ ئومۇمىي بايلىقى 126 مىليارد ئامېرىكا دوللىرى بولۇپ، بۇنىڭ ئىچىدە بىل گەيتىس بىلەن ۋاررېن باففېت فوربېس ئامېرىكا زەردارلار تەرتىپىدە بىرىنچى ۋە ئىككىنچى ئورۇندا تۇرغان. ئىگىلىنىشچە، بۇ بىل گەيتىسنىڭ بۇ رەت تەرتىپتە ئۇدا 19 قېتىم بىرىنچى ئورۇندا تۇرۇشى ھېسابلىنىدىكەن.