پۇتىننىڭ ئاشنىسى يوقاپ كەتكەنلىكى ھەققىدە ئىغۋا تارقالدى - huxhuy online----Sports|world News|it News|china News|Local News Business

[«ھىندىستان ۋاقىت گېزىتى» تورىنىڭ 20-سېنتەبىر خەۋىرى] تاراتقۇلارنىڭ خەۋەر قىلىشىچە، رۇسىيە زۇڭتۇڭى پۇتىننىڭ ئاشنىسى، بۇلتۇر ئۇنىڭغا بالا تۇغۇپ بەرگەن ئالىنا كابايېۋا ئۇشتۇمتۇت ئىز-دېرەكسىز يوقاپ كەتكەن.

ئېيتىشلارغا قارىغاندا، 2006-يىلىدىن بويان، ئىلگىرى گىمناستىكا چېمپىيونى بولغان ئالىنا كابايېۋا پۇتىننىڭ «مەخپىي ئاشنىسى» بولۇپ كەلگەن. 26 ياشلىق ئالىنا كابايېۋا پۇتىندىن 30 ياش كىچىك بولۇپ، تاراتقۇلارىنىڭ خەۋەر قىلىشىچە، ئۇ بۇلتۇر پۇتىنغا بىر ئوغۇل توغۇپ بەرگەن.
لېكىن، ئامېرىكا «نيۇيورك پوچتا گېزىتى» نىڭ يېقىندا خەۋەر قىلىشىچە، پۇتىننىڭ بۇ «ئاشنىسى» ھازىر ئىز-دېرەكسىز يوقاپ كەتكەن. بۇ گېزىتتە ئالىنا كابايېۋانىڭ دوستىنىڭ سۆزىدىن نەقىل كەلتۈرۈلۈپ: ھازىر ئۇنىڭ بىلەن تېلېفوندا ئالاقىلەشكىلى بولمايۋاتىدۇ، ئۇنىڭ بىلەن پەقەت سابىق تىرېنېرى، ئاتا-ئانىسى ۋە ھازىر دۇمادا پارلامېنت ئەزاسى بولۇۋاتقان ئىلگىرىكى ئىككى كەسىپدىشى ئالاقىلىشىپ تۇرىدۇ، دېيىلگەن.
ئالىنا كابايېۋا 2006-يىلى خىزمىتىدىن ئىستىپا بەرگەندىن كېيىن، پۇتىن ئۇنىڭ بىلەن مەخپىي ئالاقىدە بولغان. ئىككى يىل ئىلگىرى، ئالىنا كابايېۋا پۇتىن رەھبەرلىكىدىكى بىرلىككە كەلگەن رۇسىيە پارتىيەسىنىڭ نامزاتى سالاھىيىتى بىلەن يېڭى بىر نۆۋەتلىك دۆلەت دۇماسىنىڭ پارلامېنت ئەزالىقىغا سايلانغان. ئۇ تاشكەنتتە تۇغۇلغان بولۇپ، ئاتىسى مۇسۇلمان ئىكەن.
رۇسىيەدىكى بىر تور بېكەتىنىڭ يېقىندا خەۋەر قىلىشىچە، ليۇدمىلانىڭ يولدىشى پۇتىندىن ئىككى قىزى بولۇپ، ھازىرقى ئۇلار ئاجراشماقچى بولغان. بۇ توردا: رۇسىيەدە تەخمىنەن 30 مىليون مۇسۇلمان بولۇپ، ئەگەر ئۇ چىرايلىق مۇسۇلمان «ئايال»نى ئەمرىگە ئالسا، سىياسىي جەھەتتە زىيانغا ئۇچرىماسلىقى مۇمكىن، دېيىلگەن.