مۇتلەق مەخپىي « موسكۋا 2-نومۇرلۇق مېترو»نىڭ مەخپىيەتلىكى ئاشكارىلاندى
    موسكۋا شەھەر مەركىزىنىڭ يەر ئاستىدىكى زور «يەر ئاستى ئوردىسى»دا ھازىرغىچە ئىشلىتىلىپ كېلىۋاتقان مۇتلەق مەخپىي مېترو بار. بۇ مېترو موسكۋانىڭ «سىياسىي يۈرىكى» كرېمىلدىن باشلىنىپ، سابىق سوۋېت ئىتتىپاقى دەۋرىدە موسكۋادا تەسىس قىلىنغان ھەرقايسى مۇھىم ھوقۇق ئورگانلىرى تۇرۇشلۇق جايلاردىن ئۆتۈپ، موسكۋا شەھەر سىرتىدىكى ھەربىي ئايرودروم قاتارلىق پەۋقۇلئاددە ئىستراتېگىيىلىك ئەھمىيەتكە ئىگە ئورۇنلارغا بىۋاسىتە تۇتىشىدۇ. مانا بۇ شەھەر ئېكسپېدىتسىيىچىلىرى «2-نومۇرلۇق مېترو» دەپ ئاتىغان موسكۋا مەخپىي مېتروسىدۇر.
   موسكۋا مېتروسى 1935-يىلى رەسمىي ئىشلىتىلگەندىن بۇيان «يەر ئاستى ئوردىسى» دەپ تەرىپلىنىپ كەلگەن. ستالىن دەۋرىدە ياسالغان ھەر ببىر مېترو بېكىتى تام رەسىملىرى، ھەيكەل ياكى كۆزنى چاقنىتىدىغان ئاسما چىراغ بىلەن بېزەلگەنىدى. 2-دۇنيا ئۇرۇشىدىن بۇرۇن ستالىن ئو ت م ئۆتكۈزۈشنى  ئىلتىماس قىلىش ئۈچۈن چوڭ تەنھەرىكەت مەيدانى سالدۇرماقچى بولغان بولسىمۇ، ئۇرۇش ئۇنىڭ پىلانىنى بۇزۇۋەتكەن. شۇڭا ئەسلىدە تەنھەرىكەت مەيدانى سېلىنماقچى بولغان جايغا چوڭ زالى بار پوتەي ياسىلىپ، ئالىي قومانداننىڭ نۇتۇق سۆزلىشى ئۈچۈن ئىشلىتىلگەن.
    يادرو قورالى بارلىققا كەلگەندىن كېيىن، موسكۋا شەھىرىنىڭ يەر ئاستىغا قوغدىنىش تەدبىرلىرى چىڭ پاناھگاھ ياسالغان. خەۋەرلەرگە قارىغاندا، ئەينى ۋاقىتتا سوۋېت كومپارتىيىسى مەركىزىي بيۇروسىنىڭ ھەر بىر ئەزاسىنىڭ مەركىزىي پاناھگاھدا ئىشخانا، ئارام ئېلىش ئۆيى، مۇنچا، ئاشخانا قاتارلىقلارنى ئۆزئىچىگە ئالغان 200 كۋادرات مېتىرلىق بىر يۈرۈش تۇرالغۇسى بار ئىكەن. ئېيتىلىشىچە، سوۋېت ئىتتىپاقى رەھبىرى برېژنېۋنىڭ يەر ئاستىدىكى ئىشخانىسىنىڭ يەر ئۈستىدىكىگە ئوخشاش قىلىپ ياسىلىشىدىمۇ بۇ ئالىي رەھبەرگە يەر ئاستىدا خىزمەت قىلىۋاتقانلىقىنى ھېس قىلدۇرماسلىق ئويلىشىلغانىكەن. بىراق سوۋېت ئىتتىپاقىنىڭ ئالىي قاتلىمىدىكى رەھبەرلەر بۇ پاناھگاھنى ئەزەلدىن ئىشلىتىپ باقمىغانىكەن. ھازىر موسكۋادىكى بۇ مەخپىي مېترو لىنىيىسى دۆلەت رەھبەرلىرىدىن باشقا، موسكۋا شەھىرى ئاستىدىكى نۇرغۇن ئىستراتېگىيىلىك ھەربىي مۇئەسسەسىلەرگە، شۇنداقلا ئاخبارات تارماقلىرىغىمۇ مۇلازىمەت قىلىدىكەن.
   ھازىر بۇ مەخپىي مېترو لىنىيىسى، شۇنداقلا ئۇنىڭ يۈرۈشلۈك يەرئاستى ئەسلىھەلىرى سوۋېت ئىتتىپاقى دەۋرىدىكىدەك پەۋقۇلئاددە رولىنى جارى قىلدۇرالماسلىقى مۇمكىن. ئەينى يىللاردا زور ئادەم كۈچى ۋە ئىقتىسادىي كۈچ سەرپ قىلىنىپ ياسالغان بۇ پەۋقۇلئاددە قۇرۇلۇش ھازىر ئاممىۋى ئۇل ئەسلىھەلەرنىڭ ئېھتىياجى سەۋەبىدىن قايتا ئىشلىتىلىش پۇرسىتىگە ئىگە بولدى. خەۋەرلەرگە قارىغاندا، ھازىر بۇ مەخپىي مېترونىڭ قىسمەن لىنىيىلىرى ئېچىۋېتىلگەن بولسىمۇ، كىشىلەر بۇنىڭدىن بىخەۋەر ئىكە